Skruobla
Skruobla aba skruoblos (luotīnėškā: Carpinus betulus) ī lapouts medis, katros prėgol beržėniu augalū (Betulaceae) šeimā.
Lietovuo skruoblas aug daugiau pėitūs ė vėdorie, mišrē so eglėm, ōžoulās, ousēs, apošėm. Anā dėdlē patink tomsės vėitas, ale rēk daug vilgšmės ė šėlomuos.
Skruoblas aug lietā, dėdlė augoma napasėik - ožaug lėgė 15-25 m, sīkēs lėgė 30-36 m. Kap aug laukūs, tā stoubrē būn nuognē trompi, vuo vainėks rotolėšks. Ėšgīven lėgė 150 metu omžious.
Vainėks tonkos, šakas smolkės. Žėivie līgė, pluona, švėisē pilka. Augals daugėnas viejė apdolkėnamās žirgėnās.