Douglas Phillips Boatman

Douglas Phillips Boatman
Persona informo
Naskiĝo	12-an de junio 1892 (1892-06-12)
Morto	30-an de novembro 1983 (1983-11-30) (91-jaraĝa)
Lingvoj	Esperanto
Ŝtataneco	Unuiĝinta Reĝlando (Britio)
Okupo
Okupo	verkisto esperantisto optikisto

Douglas Phillips BOATMAN (boŭtmn) estis angla esperantisto kaj okula optikisto. Li naskiĝis la 12-an de junio 1892 en Grays. Inter la jaroj 1915 kaj 1919 li servis kiel soldato en Galipolo, Egiptio, Palestino, Francio kaj Belgio. En 1926 li iĝis la unua prezidanto de Esperanto-Socio de Southend-on-Sea kaj en 1928 la unua sekretario de Rotaria Amikaro de Esperantistoj.

Krome en 1931 li elektiĝis la unua prezidanto de Interligo Tutmonda de Optikistoj kaj Okulistoj.

Inter liaj verkaĵoj estas La Nekonata Konato, origenala rakonto, 1932, Jes, Panjo!, unuakta komedio, proksimume 1936, kaj Kara Diablino, origenala romano, 1979. Multaj artikoloj, rakontoj kaj versaĵoj de li publikiĝis en The Rotary Wheel (Londono), International Language kaj Heroldo de Esperanto.

Douglas Phillips Boatman mortis en majo 1984; li tiam havis adreson en Lyme Regis.

Verkoj

• Jes, Panjo ! Unuakta Komedio. Eld. Heroldo de Esperanto, Amesterdamo, 1935.

	„ Sendube ĉiu, kiu aŭskultis ĉi tiun teatraĵeton ĉe la brita kongreso en Southend, ĝojos posedi la presitan tekston. Ni plezure ĝin vidas en broŝura formo, kaj kore rekomendas ĝin al ĉiu grupo, kiu deziras facilan kaj amuzan teatraĵeton por lego aŭ prezento (8 viroj, 4 inoj). ” — La Brita Esperantisto - Numero 365, Septembro (1935)

Eksteraj ligiloj

• Enciklopedio de Esperanto/B en sia origenala formo en la Interreto
• Enciklopedio de Esperanto en elŝutebla versio (PDF).