Giovanni Schiaparelli

Giovanni Schiaparelli
Persona informo
Giovanni Virginio Schiaparelli
Naskiĝo	14-an de marto 1835 (1835-03-14) en Savigliano
Morto	4-an de julio 1910 (1910-07-04) (75-jaraĝa) en Milano
Tombo	monumenta tombejo de Milano vd
Lingvoj	itala vd
Ŝtataneco	Reĝlando Italio (1861–1910) vd
Alma mater	Universitato de Torino vd
Familio
Gefratoj	Celestino Schiaparelli (en) vd
Profesio
Okupo	astronomo malkovrinto de asteroidoj politikisto matematikisto vd
Laborkampo	Astronomio, matematiko, biblia teologio kaj Biblia kritiko vd
Doktoreca konsilisto	Johann Franz Encke • Otto Wilhelm von Struve vd
Postenoj Postenoj senator of the Kingdom of Italy (en) vd
Honorigoj Honorigoj (1902)  Bruce-Medalo (26-a de novembro 1896)  eksterlanda ano de la Reĝa Societo (1890)  Premio Lalande (1876)  Cothenius Medal (en) (1872)  Gold Medal of the Royal Astronomical Society (en) (1867)  Premio Lalande  Pro la Merito pri la Sciencoj kaj Artoj vd
Membrecoj Membrecoj Usona Nacia Akademio de Sciencoj (Foreign Associate of the National Academy of Sciences (en) ) (1910–) Reĝa Societo de Londono (1896–) Accademia delle Scienze di Torino (1870–) Peterburga Akademio pri Sciencoj Leopoldina Akademio Nacia de Scienco de la Kvardeko Bavaria Akademio de la Scienco Prusa Akademio de Sciencoj Reĝa Sveda Akademio de Sciencoj Accademia della Crusca Nacia Akademio de la Linkoj vd
vd	Fonto: Vikidatumoj

Giovanni Virginio SCHIAPARELLI (naskiĝis la 14-an de marto 1835 en Savigliano, mortis la 4-an de julio 1910 en Milano) estis itala astronomo, politikisto kaj historiisto pri sciencoj. Li estis onklo de la altmodistino Elsa Schiaparelli.

Vivo

Li studis en la universitato de Torino kaj en la observatorio de Berlino, sub la estrado de Johann Franz Encke. Inter 1859 kaj 1860, li laboris en la observatorio Pulkovo (apud Sankt-Peterburgo), sub la estrado de Otto Wilhelm von Struve kaj dum 40 jaroj en la observatorio de Brero en Milano.

Li estis senatano de la Itala reĝlando, kaj ano de la Akademio de la Linkoj kaj de la Akademio de la Sciencoj de Torino kaj de la Reĝa instituto de Lombardujo. Li fariĝis eksterlanda ano de la Reĝa Societo de Londono la 29-an de novembro 1896.

Malkovroj

La marsa mapo de Giovanni Schiaparelli

Li observis la sunsistemajn objektojn kaj ĉefe Marson, kies « marojn » kaj « kontinentojn » li nomis dum la opozicio de 1887. Li kredis esti observinta liniojn, kiujn li nomis "canali" (brako de maro), tio kion oni mistradukis per "kanalo" ; tio, kiu implicus konstruaĵon far de pensentaj estaĵoj. Necesis atendi la superflugon de Marso far de kosmosondiloj por konstati ke, krom tute naturaj kanjonoj, ekzistas nenio kiu similus artefaritajn kanalojn.

Li studis la duopajn stelojn malkovris la asteroidon 69 Hesperion kaj trovis rilaton inter la meteorfluoj kaj la kometoj ; li montris interalie ke la metoroida fluo de leonidoj kongruas kun la orbito de la kometo Tempel-Tuttle.

Honoroj

Li ricevis:

• la Premion Lalande en 1868,
• la oran medalon de la Royal Astronomical Society en 1872,
• la Bruce Medalon en 1902.

Oni donis lian nomon al:

• La luna kratero Schiaparelli,
• La marsa kratero Schiaparelli
• La asteroido 4062 Schiaparelli,
• La Observatorio G.V. Schiaparelli

Eksteraj ligiloj

• itale Giovanni Virginio Schiaparelli, observanto de Marso Arkivigite je 2009-03-17 per la retarkivo Wayback Machine
• itale Datoj de la vivo de Giovanni Schiaparelli

Nekrologioj

• itale El" Harvard-Smithsonian Center for Astrofisics"
• angle el "Usona Astronomia Societo"
• angle el "Royal Astronomical Society"