Mediteranea klimato
Mediteranea klimato estas klimato kiu similas al la klimato de la regionoj ĉirkaŭ la Mediteranea Maro. Ekstere de tiu regiono en la pleja sudo de Eŭropo, pleja nordo de Afriko kaj pleja okcidento de Azio, tiu klimato kovras relative etajn areojn de la tero, kaj ĝenerale ekzistas en la okcidentaj marbordoj de kontinentoj, proksimume inter la latitudoj 30° ĝis 45° norde kaj sude de la ekvatoro.
Lokigo
[redakti | redakti fonton]
Krom la regionoj ĉirkaŭ la Mediteranea Maro, inter la regionoj kiuj havas mediteranean klimaton estas
- la plejparto de Kalifornio kaj
- suda Oregono,
- la Okcidenta Kabo en Sud-Afriko,
- la centro de Ĉilio,
- la sudo de Okcidenta Aŭstralio kaj
- la marbordaj regionoj de centra kaj sud-orienta Suda Aŭstralio.