Sa, ĉiuj. Mi kaŝnomiĝas Keldan, dudek-kelk-jaraĝa usonana viro, kiu naskiĝis en la apalaĉia monto-urbo Asheville, ekloĝinte poste en Greensboro, Norda Karolino, Usono, ĉe kies ŝtata universitato mi studis ĉefe lingvosciencon (lingvistikon) kaj akcesore dramon. Mi aktuale servas kiel volontulo ĉe la Bahaa Mondcentro en Ĥajfo, Israelo.
Mi estas kaj Esperantisto kaj bahaano, ambaŭ ekde ĉirkaŭ 1999.
En miaj ĉefaj interesoj inkluziviĝas antropologio, apalaĉia kulturo, arĥitekturo, la Bahaa Kredo, belskribarto (kaligrafio), daŭrigebleco (daŭrivo), daŭrigebla disvolvado, ekologie-daŭrigebla arĥitekturo/konstruado, fotografio, Ĝibran Ĥalil ĜIBRAN, kafo (nigra kaj sensukera!), kampado, kuirartoj (aparte la hindia, irana, kaj taja), lingvoj (i.a. la ajmara, araba, islanda, persa, kaj Esperanto, kompreneble), lingvoscienco, la natura medio, organika manĝaĵo, permakulturo, rok-grimpado, skribsistemoj, kaj volonta simpleco.
Oni povas kontakti min per:
- AIM: Alcarendur
- MSN: Atagahi ĉe hotmail punkto com
