Anjel Alkain

Anjel Alkain
	;
Bizitza
Jaiotza	Andoain, 1966 (58/59 urte)
Herrialdea	Gipuzkoa, Euskal Herria
Hezkuntza
Hizkuntzak	euskara; gaztelania
Jarduerak
Jarduerak	komediantea, telebista-aktorea, ahots-aktorea eta zinema aktorea
Lan nabarmenak	ikusi Kutsidazu bidea, Ixabel (antzezlana);
Jasotako sariak	ikusi Argia Sariak (2002) ;

Anjel Alkain (Andoain, Gipuzkoa, 1966) euskal umorista, aktorea eta telebista aurkezlea da.

Antzerkia ikasi zuen Donostiako Antzerki Eskolan Niko Lizeaga eta Jose Maria Berasategirekin. Ondoren, Hankagorri taldearekin bat egin eta kale antzezlanak egiten jardun zen. Sorginen laratza telebista saioan agertu zen arte ez zen ezaguna, baina harrezkero Wazemank, Noaoa, Brinkola, Finlandia, Kontuz atsuak! eta Kontrako eztarria telebistako umore saioetan aritu izan da, ETB 1ean, aurkezle eta aktore lanetan. Egun, ETB 1eko Zuek Hor saioan dihardu, aktore gisa soilik. Gaur egun Eitb-ko Bagoaz saioan parte hartzen du. Aktore gisa lan egin arren landetxe bat ere badu, Hernanin. Gaur egun Gipuzkoako Asteasu herrian bizi da bere familiarekin.

Ibilbidea

Izen bereko liburuan oinarritutako Kutsidazu bidea, Ixabel antzezlanean parte hartu zuen (baserriko aita, taxista, eta Koldobika,mediku pedantea). 2003an estreinatu zuen antzezlana Gorringo Antzerki Taldeak Tafallan. Obra arrakastatsu hartako beste aktoreak Mikel Sarriegi (Juan Martin), Ainere Tolosa (Ixabel) Ixabel Agirresarobe (Baserriko amona), eta Egoitz Lasa baserriko semea) izan ziren. Zuzendaria Anartz Zuazua izan zen, gidoilariak Joxean Sagastizabal eta Nagore Aranburu.

Antzezlan hori mugarri bat izan zen euskarazko antzerkigintzan, ia bi urtez iraun baitzuen, eta emanaldiak 180 izatera heldu zirelako.^[1]

Wazemank arrakastatsuan ere parte hartu zuen ETB 1eko umorezko telebista-saioa zen. Besteak beste, Anjel Alkain, Ainere Tolosa, Jon Iraola, Mikel Pagadizabal, Iñake Irastorza, Ana Elordi, Mikel Laskurain, Egoitz Lasa, Ixabel Agirresarobe, Asier Sota, Anartz Zuazua eta Aitor Gabilondo aktoreek parte hartzen zuten Wazemank-en.

Lanak

Filmak


Urtea	Lana
1996	Cuestión de suerte
2005	Aupa Etxebeste!
2006	Kutsidazu bidea, Ixabel
2007	Eutsi!
2017	El guardián invisible
2019	Legado en los huesos
2019	Agur Etxebesteǃ
2020	Ofrenda a la tormenta

Telebista saioak

Urtea	Lana	Katea	Postua
1991-1992	Bertan Zoro	ETB 1	Aktorea
1999-2005	Sorginen laratza	ETB 1	Aktorea
2005-2007	Wazemank	ETB 1	Aktorea / Aurkezlea
2007-2008	Noaoa!	ETB 1	Aktorea / Aurkezlea
2007, 2009	Mi Querido Klikwosky	ETB 2	Aktorea
2009	Brinkola	ETB 1	Aktorea
2009	Wazemank 2.0	ETB 1	Aktorea
2010	Wazemank 3.0	ETB 1	Aktorea / Aurkezlea
2011-2012	Finlandia	ETB 1	Aktorea
2012-2013	Kontuz atsuak!	ETB 1	Aktorea
2013-2014	Kontrako eztarria	ETB 1	Aktorea / Aurkezlea
2014	Zuek hor eta gu hemen!	ETB 1	Aktorea / Aurkezlea
2015	Zuek hor!	ETB 1	Aktorea / Aurkezlea
2017-2019	Bago!az	ETB 1	Kolaboratzailea
2017	Como pez en el agua	ETB 2	Aurkezlea
2017- 2020	Qué me estás contando	ETB 2	Kolaboratzailea
2019- 2020	Egunak egin du	ETB 1	Kolaboratzailea

Antzerkia


Urtea	Lana
2003	Kutsidazu bidea, Ixabel
2020	Sisiforen paperak

Irratia


Urtea	Lana	Katea
2010-2011	Oilategia	Euskadi Irratia
2010-	Antes de Mirar, Cruzar	Radio Euskadi

'Sisiforen paperak antzezlanaren aktore batzuk agurtzen, 2020.^[2]

Erreferentziak

↑ Telleria Sarriegi, Enekoitz. (2021--06-16). ««Tximeleta efektua gertatzen da; egia da»» Berria (Noiz kontsultatua: 2022-01-15).
↑ Berria. «'Sisiforen paperak' gaur estreinatuko dute Madrilen» Berria (Noiz kontsultatua: 2022-08-24).

Kanpo estekak

(Ingelesez) «Anjel Alkain», Internet Movie Data Base.

Datuak: Q12253580

[:0-1] Telleria Sarriegi, Enekoitz. (2021--06-16). ««Tximeleta efektua gertatzen da; egia da»» Berria (Noiz kontsultatua: 2022-01-15).

[2] Berria. «'Sisiforen paperak' gaur estreinatuko dute Madrilen» Berria (Noiz kontsultatua: 2022-08-24).

[1]

[2]