Artaun (Dima)

Artaun
	Euskal Herria
Kokapena
Herrialdea	Bizkaia
Udalerria	Dima
Geografia
Koordenatuak	43°09′15″N 2°44′02″W / 43.15417°N 2.73389°W

Artaun Dimako (Bizkaia) iparraldean dagoen auzoa da, mendialdekoa.

Historia

Sakontzeko, irakurri: «Bizkaiko Jaurerria»

Arratiako Merindadearen elizatea osatu zuen Erdi Aroan beste zazpi auzorekin batera, Aroztegieta, Olazabal, Indusi, Oba, Bargondia, Bikarregi, Intxaurbizkar eta Lamindao hain zuzen ere. Elizateak 61. jezarlekua zeukan Gernikako Batzar Etxean.

Gaur egun auzoaren izena Artaun den arren, XVIII.mendera arte Arratiagoien bezala izendatzen zen. Mende horretan zehar egin ziren su kontaketetan horrela dokumentaturik eta identifikaturik dago auzunena.

Inguru naturala

Artaungo ipar-ekialdean Aramozko mendilerroa zabaltzen da, iparraldean Urtemondo (788 m) eta ekialdean Artaungan (905 m) mendiak dituelarik, besteak beste.

Bestela, mendebaldean Biteriño auzunea eta hegoaldean Bikarregi eta Ugariotz mugakide ditu. Ugarana erdigunerako bidean, azkenik, Azkuenaga tartean dauka, hego-mendebaldean.