Capitale-Nationale

Capitale-Nationale
Kanada
Administrazioa
Izen ofiziala	Capitale-Nationale
Estatu burujabe	Kanada
Probintzia	Quebec
Hiriburua	Quebec Hiria
Zatiketa	ikusi La Jacques-Cartier, La Côte-de-Beaupré, Portneuf, Charlevoix, Charlevoix-Est, L'Île-d'Orléans eta Quebeceko aglomerazioa
Geografia
Koordenatuak	47°20′00″N 71°30′00″W
Azalera	18.638 km²
Mugakideak	Mauricie, Centre-du-Québec, Chaudière-Appalaches eta Saguenay–Lac-Saint-Jean
Demografia
Biztanleria	757.950 (2021) 20.058 (2020)
Dentsitatea	36,49 bizt/km²
Informazio gehigarria
www.capitale-nationale.gouv.qc.ca/

La Capitale-Nationale Quebeceko eskualde administratiboa da. 03 kodea erabiltzen da eskualde hau identifikatzeko eta bere mugen barnean nazio honetako hiriburua den Quebec Hiria dago.

Geografia

Quebec Hiriaren inguruan dauden zenbait zonaldek osatzen dute. Hiri historikoaren protagonismoak ez du erabat desagertarazten beste eremu batzuen nortasuna.

Hiriburutik itsasorako bidean lehen Beaupré aldeko kostaldea eta gero historia luzeko Charlevoix dago. Kontrako norabidean, Montrealerakoan, Portneufen inguruan dauden ibaiaren ertzeko herriek osatutako MRCa. Ibaian bertan Orléans uhartea dago, Quebeceko garrantzitsuenetakoa.

Aldiz, Quebec Hiriaren inguruko metropoli eremu osoa ez dago eskualde honen barruan: ibaiaz bestaldeko lurrak Chaudière-Appalachesen daude. Hala ere, Lévis hiriak harreman bereziki estua du Quebec Hiriarekin eta bere metropoli komunitatearen (Communauté métropolitaine de Québec) barnean dago.

Mugakideak

Auzokide guztiak Quebeceko beste eskualde batzuk dira.

• San Laurendi ibaiaren ibarrezkerrean:

1. Mendebaldean Mauricie.
2. Iparraldean Saguenay–Lac-Saint-Jean.
3. Ekialdean, Saguenayko fiordoaren beste aldean, Côte-Nord.

• Ibaiaz bestalde:

1. Chaudière-Appalaches.
2. Bas-Saint-Laurent.

Demografia

• Biztanleria: 680.074 (2008)
• Azalera: 18.638,7 km²
• Dentsitatea: 36,5 bizt./km²
• Jaiotza-tasa: ‰ 9.8 (2004)
• Heriotza-tasa: ‰ 8 (2003)

Jatorriko herriak

Gutxiengo txikia osatzen badute ere, egungo Quebecen geratzen den wendat edo huron herriaren komunitate bakarra dago: Wendake.

Banaketa administratiboa

Saint-Laurent-de-l'Île-d'Orléans.

MRC eta baliokideak

Eskualdeak 6 "Eskualdeko konderriko udalerri" (MRC) ditu eta bere baliokidea den hiri-aglomerazio bat; MRCak eta beren hiriburuak:

• Agglomération de Québec: Quebec Hiria.
• Charlevoix: Baie-Saint-Paul
• Charlevoix-Est: La Malbaie
• La Côte-de-Beaupré: Château-Richer
• La Jacques-Cartier: Shannon
• L'Île-d'Orléans: Sainte-Famille
• Portneuf: Cap-Santé

MRCetatik kanpoko udalerriak

• Wendake: "indiar erreserba".
• Notre-Dame-des-Anges: "parrokiako udalerria" (municipalité de paroisse).

Ikus, gainera

• Quebec Hiria
• San Laurendi ibaia

Kanpo estekak

• (Frantsesez) Capitale-Nationaleko CRÉren (Hautetsien eskualdeko konferentzia) webgunea.
• (Frantsesez) Eskualdeko ataria.
• (Frantsesez) Eskualdea Quebeceko estatistika insitututuan.
• (Ingelesez) (Frantsesez) Informazio turistikoa. Charlevoix aparteko eskualde turistikoa da.
• (Frantsesez) Commission de la capitale nationale.

• Datuak: Q680780
• Multimedia: Capitale-Nationale / Q680780