Guiena

Guiena
Mota	Dukerri
Geografia
Koordenatuak	43°58′37″N 0°10′34″W
Kokapena	Okzitania

Guiena (frantsesez: Guyenne; okzitanieraz: Guiana) Okzitaniako eskualde historikoa da, egungo Frantziako hego-mendebaldean kokatua eta garai bateko Akitaniako Dukerriaren azken faseko lurraldea. Pentsatzen da Guiena Akitania izenaren herri hizkerako desitxurapen bat dela.

Honen barruan Agenais, Quercy, Périgord eta Rouergue lurralde historikoak zeuden, baita Lapurdi ingurua ere, nahiz eta tamaina desberdinak izan zituen historian, askotariko gerra eta hitzarmenen ondorioz.

Parisko Hitzarmenaren ondoren (1295) Akitaniako dukearen (Ingalaterrako erregearen) kontrolpeko lurraldea izan zen. XV. mendean, kostaldeko lur-zerrenda batek osatzen zuen, Blayetik Lapurdiraino, Bordele hiriburu zuela. 1453an, Castillongo guduaren ondorioz, Akitaniako Dukerriaren azkena heldu zen, Frantziaren eskuetan geldituz. Gaskoinia, Limousin, Saintonge eta Bearnorekin lurralde handi bat osatzen zuen.

Euskal Herriaren parte bat ere, Lapurdi, gutxi gora-behera, Guienaren parte izan zen, eta hortaz, Ingalaterrako Erresumaren kontrolpeko lurraldea.

Ikus, gainera

• Gaskoinia

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

• Datuak: Q849324