Andrés Montes
  | |
| Biografía | |
|---|---|
| Nacemento | 27 de novembro de 1955 Madrid, España |
| Morte | 16 de outubro de 2009 (53 anos) Madrid, España |
| Actividade | |
| Ocupación | xornalista, comentarista deportivo |
| Familia | |
| Nai | Zenaida González Manfugás |
| Premios | |
 | |
Andrés Montes González, nado en Madrid o 27 de novembro de 1956 e finado na mesma cidade o 16 de outubro de 2009,[1] foi un coñecido locutor deportivo español.
Traxectoria
[editar | editar a fonte]Fillo de pai galego e nai cubana[2], en 1995 narrou, xunto a Santiago Segurola, as retransmisións da NBA en España para Canal +. Dende finais dese mesmo ano e ata 2006 formou con Antoni Daimiel unha das parellas de comentaristas deportivos máis célebres da televisión. Anteriormente xa traballara en radios como a COPE, Radio Cadena Española, Radio Marca e Antena 3 Radio.
En abril de 2006 anunciou a súa fichaxe por La Sexta, que lle encargaría os comentarios do mundial de Alemaña de 2006, apoiado polo exfutbolista Julio Salinas e Antoni Esteva. Ademais retransmitiu o Campionato mundial de baloncesto de 2006 no Xapón con Juan Manuel López Iturriaga e Juan Domingo de la Cruz. Tamén estaba ao cargo de retransmiti-la Liga.
Foi coñecido polo seu estilo desenfadado, utilizando un argot específico de inventiva propia.
Distincións
[editar | editar a fonte]Após o seu falecemento, o 27 de abril de 2010, o CSD (Consello Superior de Deportes) concedeulle a título póstumo a Medalla de Ouro da Real Orde do Mérito Deportivo en recoñecemento ó seu gran labor na difusión e promoción do deporte.[3]
No 2019 foi un dos 18 membros elixidos para a primeira promoción ó Salón da Fama do Baloncesto Español. Cuxo acto de incorporación tivo lugar o 21 de outubro de 2021 no Estadio "La Cartuja" de Sevilla.[4]
Notas
[editar | editar a fonte]- ↑ "Andrés Montes ha muerto"". 20 minutos (en castelán). 16 de outubro de 2009.
- ↑ "El comentarista Andrés Montes deja LaSexta". Público (en castelán).
- ↑ "El CSD concede la Real Orden al Mérito Deportivo a Andrés Montes - MARCA.com". www.marca.com. Consultado o 2022-01-05.
- ↑ "El Hall of Fame del Baloncesto Español nace este jueves en Sevilla". FEB (en castelán). Consultado o 2022-01-05.
