Asturica Augusta

Asturica Augusta

Tipo	cidade romana
Localización
División administrativa	Gallaecia, Roma Antiga e Tarraconense, Roma Antiga
42°30′N 6°06′O

Murallas de Asturica Augusta.

Asturica Augusta foi un cidade romana, capital do Convento Asturicense. A orixe e significado do topónimo antigo Asturica deu lugar a varias teorías, sendo na actualidade un topónimo moi discutido. En época romana recibiu o sobrenome de Augusta, en honor ao emperador Octavio Augusto. Na actualidade correspóndese coa cidade de Astorga, na provincia de León.

A orixe da cidade parece estar relacionada cun campamento romano que se instalou no lugar no ano 25 a. C., con ocasión das Guerras Cántabras. Co Emperador Vespasiano pasou a ser capital do conventus iuridicus asturicense.

A estrutura urbana revela o típico plano campamental, común a outras cidades romanas, con rúas cruzadas perpendicularmente. No século III, como outras localidades hispanas, ante o perigo que supuxeran as invasións francas, rodeouse con murallas, das que subsisten bos lenzos. Non se conservaron restos de monumentos romanos.

A consideración legal da cidade é problemática, pois só aparece como res publica, a pesar de que Plinio o Vello, que a debeu visitar, a alcumou de "urbs magnifica". Tampouco se coñecen os típicos cargos municipais.

Aínda que a relixiosidade, a teor dos restos epigráficos coñecidos, mostra a coexistencia de deuses indíxenas e romanos, cabe salientar que o cristianismo estaba xa ben asentado aquí no século III. Para o efecto, unha consulta realizada arredor do ano 255 desde a próxima León (Legio) e dirixida á Igrexa de África. Na resposta evacuada desde Cartago, sinálanse as sés episcopais de Legio, Asturica, Augusta Emerita (Mérida) e Caesaraugusta (Zaragoza), o que revela a existencia dun núcleo cristián ben organizado, relacionado con África do Norte.

Véxase tamén

Outros artigos

• Astorga
• Historia de Astorga
• Convento Asturicense
• Gallaecia
• Bracara Augusta
• Lucus Augusti

---

Este artigo sobre historia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---