Harriet Beecher Stowe

Harriet Beecher Stowe
	;
Nome orixinal	(en) Harriet Beecher
Biografía
Nacemento	(en) Elizabeth Harriet Beecher ; 14 de xuño de 1811 ; Litchfield, Estados Unidos de América (pt)
Morte	1 de xullo de 1896 (85 anos); Hartford, Estados Unidos de América
Causa da morte	alzhéimer
Lugar de sepultura	Phillips Academy Cemetery (en)
Relixión	Protestantismo
Educación	Hartford Female Seminary (en)
Actividade
Campo de traballo	Escritor
Lugar de traballo	Florida
Ocupación	novelista, escritora, abolicionista, escritora de contos, poetisa, escritora de literatura infantil, ensaísta
Xénero artístico	Conto
Obra
	Obras destacables (1852) Uncle Tom's Cabin (pt) ; (1853) Uma chave para a cabana do pai Tomás (pt) ; (1855) Still, Still with Thee (en) ; (1856) Dred: A Tale of the Great Dismal Swamp (en) ;
Arquivos en	Schlesinger Library (en) ;
Familia
Familia	Beecher family (en)
Cónxuxe	Calvin Ellis Stowe (1836–1886)
Fillos	Charles Edward Stowe
Pais	Lyman Beecher e Roxana Foote Beecher
Irmáns	Isabella Beecher Hooker; Henry Ward Beecher; Edward Beecher; Thomas K. Beecher; Catherine Beecher; Charles Beecher
Premios
	(2007) Distinguished Americans series (en) ; (1999) Salón da Fama das Mulleres de Ohio; (1994) Salón da Fama das Mulleres de Connecticut; (1986) National Women's Hall of Fame ;
	Sinatura
Descrito pola fonte	Dicionario Enciclopédico Brockhaus e Efron; Pequeno Dicionario Enciclopédico de Brockhaus e Efron; Grande Enciclopedia Soviética 1969-1978, (sec:Бичер-Стоу Гарриет)
Sitio web	harrietbeecherstowecenter.org

Harriet Beecher Stowe, nada con nome de Harriet Elisabeth Beecher en Litchfield (Connecticut) o 14 de xuño de 1811 e finada en Hartford (Connecticut) o 1 de xullo de 1896, foi unha abolicionista e escritora estadounidense.

O seu libro máis famoso é Uncle Tom's Cabin, no que narra a historia da vida na escravitude. Foi publicado primeiramente por episodios seriais de 1851 a 1852 no voceiro abolicionista The National Era, editado por Gamaliel Bailey. Aínda que Stowe nunca pisara o Sur estadounidense, publicou A Key to Uncle Tom's Cabin, un traballo real que documenta a veracidade da súa descrición das vidas dos escravos na novela orixinal. A súa segunda novela foi Dred: A Talle of the Great Dismal Swamp, tamén en contra da escravitude.

Traxectoria

Foi a sétima filla de Lyman Beecher, un ministro relixioso congregacional abolicionista de Boston, e de Roxana Foote Beecher, irmá do tamén afamado pastor protestante Henry Ward Beecher. Finou cando Harriet tiña catro anos. A convivencia coa nova muller do seu pai brindoulle unha imaxe deteriorada sobre a cuestión da maternidade, presente en gran parte dos seus traballos.

Criouse en Hartford e en 1832 a familia mudouse a Cincinnati, outra fervente cidade da causa abolicionista, onde o seu pai se converteu no primeiro presidente do Seminario Teolóxico de Lane. Alí obtivo coñecemento propio da escravitude e os suburbios e animouse a escribir Uncle Tom's Cabin, a primeira gran novela estadounidense cun heroe afroamericano.

Malia seguir as crenzas relixiosas da familia, pronto se apartou do Calvinismo ortodoxo do seu pai. Porén, parte da súa influencia aparece nas súas novelas.

En 1836 Harriet Beecher casou con Calvin Stowe, un ministro relixioso viúvo. Mudáronse a Brunswick, Maine, cando el obtivo unha posición académica en Bowdoin College. Harriet e Calvin tiveron sete fillos, pero algúns deles morreron a temperá idade. As primoxénitas, as xemelgas Hattie e Eliza, naceron o 29 de setembro de 1836. Catro anos máis tarde naceu o seu fillo Frederick Williame e en 1848 naceu Samuel Charles. O ano seguinte Harriet morreu por consecuencia dunha epidemia de cólera. Atópase sepultada nos campos da Academia Phillips en Andover, Massachusetts.

A casa de Harriet Beecher Stowe en Cincinnati, Ohio, é o primeiro fogar do seu pai, Lyman Beecher, no campus do Seminario Lane. Harriet viviu alí até o seu matrimonio. Aberta ao público, funciona como un sitio histórico e cultural, e concéntrase en Harriet Beecher Stowe, o Seminario de Lane e o Tren subterráneo. O lugar tamén presenta a historia afroamericana. A residencia de Harriet Beecher Stowe en Cincinnati está localizada en 2950 Gilbert Avenue, Cincinnati, OH 45206.

Citas

Cando Stowe se atopou con Abraham Lincoln en 1862, durante a guerra civil estadounidense, o saúdo do entón presidente dos Estados Unidos foi: So you're the little woman who wrote the book that started this great war!

Obra

Uncle Tom's Cabin (1851)
A Key to Uncle Tom's Cabin (1853)
Dred, A Talle of the Great Dismal Swamp (1856) The Minister's Wooing (1859)
The Pearl of Orr's Island (1862)
Co pseudónimo de Christopher Crowfield:
- House and Home Papers (1865)
- Little Foxes (1866)
- The Chimney Corner (1868)
Old Town Folks (1869)
The Ghost in the Cap'n Brown (1870)
Lady Byron Vindicated (1870)
My Wife and I (1871)
Pink and White Tyranny (1871)
We and Our Neighbors (1875)
Poganuc People (1878)

Véxase tamén

Outros artigos

Bibliografía

Boydston, Jeanne; Mary Kelley e Anne Margolis (1988): The Limits of Sisterhood: The Beecher Sisters on Women's Rights and Woman's Sphere
Matthews, Glenna. "'Little Women' Who Helped Make This Great War" in Gabor S. Boritt, ed. Why the Civil War Came - Oxford University Press pp 31–50.
Rourke, Constance Mayfield (1927): Trumpovets of Jubilee: Henry Ward Beecher, Harriet Beecher Stowe, Lyman Beecher, Horace Greeley, P.T. Barnum (1927).
Weinstein, Cindy (2004): The Cambridge Companion to Harriet Beecher Stowe. Cambridge Companions to Literature.