Infiltrados

Infiltrados
Ficha técnica
Título orixinal	The Departed
Director	Martin Scorsese
Produtor	Brad Pitt Brad Grey Graham King
Guión	adaptado por William Monahan
Baseado en	Mou gaan dou de Alan Mak & Felix Chong
Intérpretes	Leonardo DiCaprio Matt Damon Jack Nicholson Mark Wahlberg Vera Farmiga Martin Sheen Ray Winstone Alec Baldwin
Música	Howard Shore
Fotografía	Michael Ballhaus
Montaxe	Thelma Schoonmaker
Estudio	Plan B Entertainment GK Films Vertigo Entertainment Media Asia Films
Distribuidora	Warner Bros. Pictures
Estrea	2006
Duración	151 minutos
Orixe	Estados Unidos
Xénero	Suspense
Orzamento	$90 000 000
Recadación	$289 847 354
Na rede
https://www.warnerbros.com/departed

Infiltrados (en inglés: The Departed) é un filme de suspense dirixido por Martin Scorsese en 2006, gañador do Premio Oscar á mellor película na entrega número 79 dos premios da Academia das Artes e das Ciencias Cinematográficas. Martin Scorsese recibiu o Oscar ó mellor director, Thelma Schoonmaker o Oscar á mellor montaxe e William Monahan o Oscar ó mellor guión adaptado, todos polo seu respectivo labor neste filme.

Trátase do remake americano do aclamado filme hongkonés de 2002, Mou gaan dou (Wu jian dao), tamén coñecido coma Infernal Affairs.

Sinopse

The Departed está ambientada no sur de Boston, onde a policía estatal está en guerra co crime organizado. O Departamento de Policía de Massachussets enfróntase á maior banda de crime organizado da cidade e a estratexia consiste en acabar dende dentro co poderoso xefe da mafia Frank Costello (Jack Nicholson). O encargado de infiltrarse na súa banda é o novato Billy Costigan (Leonardo DiCaprio). Mentres Billy tenta gañar a confianza de Costello, outro mozo policía, Colin Sullivan (Matt Damon), ascende rapidamente e ocupa un posto na Unidade de Investigacións Especiais, grupo de elite que ten por misión acabar con Costello. Pero o que os seus superiores non saben é que Collin traballa para este.

Cada home é consumido profundamente pola súa dobre vida, reunindo información sobre os plans e as medidas en contra das operacións que penetrou. Pero cando os mafiosos e a policía se decatan de que teñen un espía entre eles, de súpeto Billy e Collin corren o perigo de seren capturados e expostos ó inimigo.

Personaxes

• Leonardo DiCaprio como Billy Costigan
• Matt Damon como Colin Sullivan
• Jack Nicholson como Frank Costello
• Mark Wahlberg como o Sarxento Dignam
• Martin Sheen como o Capitán Queenan
• Vera Farmiga como Madolyn
• Ray Winstone como Sr. French
• Anthony Anderson como Brown
• Alec Baldwin como o Capitán Ellerby

Premios

Oscar 2006

Categoría	Acode	Resultado
Mellor película		Gañadora
Mellor director	Martin Scorsese	Gañador
Mellor guión adaptado	William Monahan	Gañador
Mellor montaxe	Thelma Schoonmaker	Gañadora
Mellor actor secundario	Mark Wahlberg	Nomeado

Véxase tamén

Ligazóns externas

• Páxina oficial (en inglés)
• Infiltrados: críticas e votacións de usuarios en FilmAffinity (en castelán)