Río Eo

Río Eo
Tipo	río; río principal
Inicio
División administrativa	Asturias, España e Provincia de Lugo, España
Localización	Fonteo
Final
División administrativa	Ribadeo, España
Localización	Ría de Ribadeo
	43°03′57″N 7°15′38″O / 43.0657, -7.2606; B 43°33′13″N 7°01′57″O / 43.5536, -7.0324
Afluentes	río Turía
Conca hidrográfica	conca do Eo
Características
Dimensións	99 () km ;
Superficie da cunca hidrográfica	819 km²
Sitio Ramsar
Medicións
Caudal	19,61 m³/s

O río Eo é un curso fluvial do noroeste da Península Ibérica que discorre por terras de Galicia e Asturias, delimitando ao cabo a fronteira entre ambas. Nace en Fonteo (Baleira)^[1]^[2] e desemboca no mar Cantábrico pola ría de Ribadeo.^[1] A súa cunca ten unha extensión duns 828 km²^[1], dos que 3/4 atravesan terreo galego. É apto para a pesca de salmóns. Ten unha lonxitude de 99 km^[1] e o seu caudal medio é de 19,61 m³/s.^[1]

Historia

Antigamente o curso chamouse río de Abres.^[3] O nome actual Eo provén do hidrónimo Euue, que podería vir do paleoeuropeo *oiw-upe^[4] Na Idade Media documéntase cos nomes Iuve (775), Euve (875), e finalmente Ove (905-), nome dunha parroquia de Ribadeo, próxima á ría. Na Idade Moderna aparece tamén co nome de río de Miranda. Pola súa ribeira, a comezos do século XX, construíuse dende Vilaoudriz a Ribadeo un ferrocarril mineiro que contribuíu a dinamizar toda a zona. Asemade, coa electrificación comezou a construción de pequenas centrais hidroeléctricas, como a do Louredal, erixida en 1932 para unha futura fábrica de vidro óptico en Santiso de Abres que non chegou a funcionar.

O río ten diversas captacións de auga, como a que subministra a Ribadeo e Trabada, que colle auga por riba da desembocadura do río Ouria.

Datos

Nacemento: Fonteo, Baleira, Lugo, Galicia
Desembocadura: Mar Cantábrico, formando a ría de Ribadeo, entre Ribadeo (Galicia) e Castropol (Asturias)
Lonxitude: 91,5 km
Afluentes principais
- Polo oeste: río Rodil e río Turía
Outros afluentes
- Polo oeste: río Liñeiras, río Ouria
- Polo leste: río de Ríotorto, río Trabada
Poboacións que atravesa: A Pontenova en Galicia; Santiso de Abres e Abres, en Asturias. Desemboca cerca da Veiga dando lugar á mencionada ría.

Galería de imaxes

O río Eo na ría de Ribadeo, en primeiro termo a zona ZEPA.
Ruta do ferrocarril. Cartel da central eléctrica do Louredal.
Captación de auga para Ribadeo e Trabada.
Maquinaria da Central eléctrica do Louredal, río Eo, en Naraído, Santiso de Abres, Asturias.