Sobrenatural

Un dos moitos actos sobrenaturais atribuídos a *Xesús andando sobre as aguas*. 1888.
Por Ivan Konstantinovich Aivazovsky, actualmente no Museu Estatal da Historia da Relixión, en San Petersburgo

O sobrenatural (do latín: supernaturālle) é o termo utilizado para definir algo que se ten como "por encima", que excede ou está máis aló do que se entende como natural ou que se cre existe fóra das leis da natureza e o universo observable.^[1] A ciencia limita as súas explicacións aos fenómenos non sobrenaturais, un proceso coñecido como naturalismo metodolóxico, e non considera as explicacións sobrenaturais, xa que non poden ser investigadas empiricamente.

Os temas sobrenaturais son a miúdo asociadas coa idea do paranormal e o oculto. Nas sociedades seculares, os milagre s adoitan ser percibidos como afirmacións sobrenaturais, do mesmo xeito que os feitizos e maldicións, a adiviñación, e o máis aló. Características dos fenómenos propostos como sobrenaturais son a anomalía, a singularidade, a falta de control e a non repetibilidade. Por tanto, as condicións en que tales fenómenos crese que se manifestan non poden ser reproducibles para exame científico^{[Cómpre referencia]}.

Como sobrenatural téndese a definir fenómenos que parecen ou se supoñen reais, pero que non se poden explicar cientificamente, pola súa propia natureza. Ao utilizar o termo sobrenatural, comunmente vai asociada á frase "fenómenos sobrenaturais". Os adherentes ás crenzas sobrenaturais sosteñen que estes feitos existen tanto como os feitos do mundo natural. Os opositores argumentan que hai explicacións naturais e científicas para o que a miúdo se percibe como sobrenatural.

Diferenza entre fenómenos sobrenaturais e paranormais

Aínda que os chamados fenómenos paranormais adoitan ser considerados como unha subcategoría dos fenómenos sobrenaturais, para os adherentes ás devanditas crenzas, o sobrenatural non sería sinónimo do paranormal. Postulan que os chamados fenómenos paranormais non serían transcendentes á natureza, senón inmanentes a ela, agás que se saen da norma (por mor da súa rareza, ou como anomalía); e aínda que non fosen explicado en termos concretos da ciencia actual, se se lles puidese aplicar un estudo máis formal e puideran chegar a dar lugar a teorizacións dependentes dos criterios epistemolóxicos vixentes (ex: condicións en laboratorio; etc.) os chamados fenómenos sobrenaturais deixarían de formar parte do mito, do ocultismo e a súa teorización deixaría de pertencer ao ámbito do esoterismo.

Descrición

Existen tres clasificacións de fenómenos sobrenaturais:^{[Cómpre referencia]}

Os subterfuxios, é dicir, unha vontade de ocultar intencionadamente a verdade (é o caso da maxia exhibicionista);
A descrición non racional de fenómenos antes considerados sobrenaturais, dos cales actualmente existe unha explicación natural; realizada por descubrimentos científicos (como as auroras boreais);
Os fenómenos (reais ou irreais) non estudados ou non explicados cientificamente, para os cales a ausencia de elementos concretos fai ilexítima toda supremacía dunha teoría sobre outra.

Exemplos do que se considera fenómenos sobrenaturais

A lenda da *Ave fénix renacendo das súas cinzas* é unha crenza na resurrección moi arraigada na civilización occidental.

Algúns fenómenos ou crenzas que se asocian a fenómenos sobrenaturais son:
Milagres;
Maxia (non prestidixitación);
Contactos co máis aló,
Reencarnación;
Profecías;
posesións demoníacas.
entidades sobrenaturais: vampiros, homes lobo, pantasmas...
outros fenómenos considerados antigamente sobrenaturais, hoxe día son denominados paranormaiss ^{[Cómpre referencia]}

Notas

↑ Definicións no Dicionario da Real Academia Galega e no Portal das Palabras para sobrenatural.

Véxase tamén

Bibliografía

Bouvet, R; Bonnefon, J. F. (2015). Non-Reflective Thinkers Are Predisposed to Attribute Supernatural Causation to Uncanny Experiences. Personality and Social Psychology Bulletin.
McNamara, P; Bulkeley, K. (2015). Dreams as a Source of Supernatural Agent Concepts. Frontiers in Psychology.
Riekki, T; Lindeman, M; Raij, T. T. (2014). Supernatural Believers Attribute More Intentions to Random Movement than Skeptics: An fMRI Study. Social Neuroscience 9: 400–411.
Purzycki, Benjamin G. (2013). The Minds of Gods: A Comparative Study of Supernatural Agency. Cognition 129: 163–179.
Thomson, P; Jaque, S. V. (2014). Unresolved Mourning, Supernatural Beliefs and Dissociation: A Mediation Analysis. Attachment and Human Development 16: 499–514.
Vail, K. E; Arndt, J; Addollahi, A. (2012). Exploring the Existential Function of Religion and Supernatural Agent Beliefs Among Christians, Muslims, Atheists, and Agnostics. Personality and Social Psychology Bulletin 38: 1288–1300.

Outros artigos

[1] Definicións no Dicionario da Real Academia Galega e no Portal das Palabras para sobrenatural.

[1]