Uttarakhand

Uttarakhand

उत्तराखंड (hi) Uttarakhand (en)
Epónimo	norte
Localización
30°30′40″N 78°57′14″L
País	India
Capital	Dehradun (pt)
Contén a división administrativa	Garhwal division (en) Kumaon division (en)
Poboación
Poboación	10.086.292 (2011) (188,3 hab./km²)
Lingua usada	Línguas tibetanas centrais (pt) Chaudangsi (en) Língua darma (pt) Rangas (en) Rawat (en) Rongpo (en) Língua jaunsari (pt) Jad (en) Kulung (en) Língua mahasu pahari (pt) lingua hindi Byangsi (en) Língua garhwali (pt) Língua Kumaoni (pt) Lingua tibetana Língua tharu (pt) Buksa (en)
Xeografía
Superficie	53.566 km²
Punto máis alto	Nanda Devi (pt) (7.816 m)
Comparte fronteira con	Uttar Pradesh Haryana Himachal Pradesh Extremo-Oeste (pt)
Creación	2000
Organización política
• Xefe de estado	Krishan Kant Paul (en) (2015–)
Órgano executivo	Uttarakhand Legislative Assembly (en) (Escano: 70)
• Chief Minister of Uttarakhand (en)	Trivendra Singh Rawat (en) (2017–2021) Pushkar Singh Dhami (en) (2021–)
Órgano lexislativo	Uttarakhand Legislative Assembly (en) Circunscrición: 70, (Escano: 70)
ISO 3166-2	IN-UK e IN-UT
Sitio web	uk.gov.in

Uttarakhand, tamén chamado Uttaranchal, é un dos vinte e nove estados que, xunto cos sete territorios da Unión, forman a República da India. A súa capital e cidade máis poboada é Dehradun.

Está situado ao norte do país, limitando ao norte coa República Popular China, ao leste con Nepal, ao sur con Uttar Pradesh, ao suroeste con Haryana e ao oeste con Himachal Pradesh. Con 189 hab/km² é o noveno estado menos densamente poboado —por diante de Megalaya, Himachal Pradesh, Manipur, Nagaland, Sikkim, Jammu e Caxemira, Mizorán e Arunachal Pradesh, o menos densamente poboado—.

Uttarakhand estivo dividido de forma tradicional en dúas partes: a occidental coñecida como Garhwal e a oriental que recibe o nome de Kumaon.

A maior parte do Estado está cuberta polos límites do Himalaia e polos glaciares, mentres que as partes máis baixas conteñen espesos bosques. O ecosistema do Himalaia serve de hábitat para numerosas especies de animais (como os tigres ou os leopardos das neves) e plantas. Dous dos ríos máis importantes da India, o Ganxes e o Yamuna nacen nos glaciares de Uttarakhand.

A industria do turismo é unha das principais fontes de ingresos. Entre os principais destinos áchanse Mussoorie e Almora. A esta rexión pertencen tamén algúns dos templos hinduístas máis sacros polo que é destino de peregrinos desde hai máis de dous mil anos. Entre os principais centros sacros destacan os templos de Haridwar, Rishikesh e Kedarnath.

O estado é tamén o lugar no que se sitúa un dos máis ambiciosos proxectos do goberno indio, a presa de Tehri, proxecto concibido no ano 1953 e que aínda non se completou.

Demografía

Danza Chanchari/Jhoda da rexión kumaon de Uttarakhand.

Os nativos da zona chámanse Garhwali / Kumaoni e son predominantemente hindús. Outras comunidades étnicas presentes en Uttaranchal inclúen ós nepalís. Os Jadh, Marcha e Shauka, coñecidos colectivamente como Bhotiya, viven na zona fronteiriza co Tíbet. Nas chairas do sur do estado establécense numerosos bengalís, punxabi e tibetanos.