Měsačne pismo k rozwučenju a wokřewjenju
Měsačne pismo k rozwučenju a wokřewjenju běše prěni pospyt ćišćaneje serbskeje nowiny. Wuńdźe bjez licency w lěće 1790 w Budyšinje.
Jako nastork za załoženje serbskeje nowiny płaća wuskutki Francoskeje rewolucije a z njej zwjazana zahoritosć za ludowu rěč.
Serbskej rozswětlerjej Jan Awgust Janka (1764–1833) a Korla Bohuchwał Šěrach (1764–1836) chcyštaj serbsku ludnosć z pomocu měsačnika nastupajo moraliske, nabožinske a přirodowědne prašenja dale kubłać. Nowina zakaza so pak hižo po wuchadźe prěnjeho čisła wot censora z přispomnjenjom, zo njeměli so "Serbja po přikładźe Francozow přećiwjeć swójskemu knježerstwu".
Literatura
[wobdźěłać | žórłowy tekst wobdźěłać]- Franc Šěn: Meteor w Budyskej atmosferje. Měsačne Pismo 1790. W Rozhledźe 1/2017, str. 10–17
Žórło
[wobdźěłać | žórłowy tekst wobdźěłać]- Ein kleines Lexikon - Sorben/Serbja. Domowina-Verlag, Bautzen 1989