Masjid At-Taqwa Ketapang

Masjid Jami At Taqwa Kabupatèn Ketapang

Masjid Jami At-Taqwa Ketapang inggih punika salah satunggaling masjid ingkan madeg wonten ing Kabupatèn Ketapang, Kalimantan Barat, Indonésia saha kalebet masjid ingkang paling sepuh ing ketapang. Masjid punika inggih kalebet tilaran sujarah saking Kraton Matan V. Kala rumiyin, nalika sepisanan dipunyasa, masjid Jami At Taqwa punika madeg wonten ing pinggiring Kali Pawan, ing kampong Kauman. Nanging amargi wontenipun abrasi, lajeng masjid punika dipunpindhah papanipun lan gantos ugi namanipun dados Masjid At Taqwa. Masjid Jami asli ingkang asalipun saking Karajan Matan punika naming kantun satunggal sakanipun kemawon ingkang taksih tetep dipunlestantunaken.

Sajarah

Masjid Jami At Taqwa ingkang madeg sapunika inggih masjid At Taqwa ingkang énggal sanès ingkang asli tilaranipun karajan Matan V. Lajeng awit saking pamanggihipun tokoh agama ing tlatah kasebat, inggih punika Haji Muhammad Ali usman, masjid ingkang madeg wonten ing pinggiring kali pawan punika dipunpindhah kejawi saking kénging abrasi saha amargi papan masjid ingkang sampun boten cekap malih kanggé ngewrat jamaah masjid malih ingkang sansaya ngrembaka kathah. MAsjid At Taqwa punika dipundandosi malih wiwit taun 1950 M lan rampung nalikan tanggal 10 November 1952. Dipunginakaken mali MAsjid At Taqwa ingkang énggal punika dipuntandhani kaliyan dipunpasangakan satunggaling jam saking panitia dinten pahlawan ing kabupatèn Ketapang. Masjid Jami ingkang asli diipunbangun nalika pamarentahanipun Panembahan H. Gusti Muhammad Sabran ingkang maréntah Karajan Matan V ing Mulia Kerta nalika taun 1876 – 1908, leresipun ing tanggal 11 Maret 1876 punjering Karajan Matan ing Tanjung Pura dipunpindhah dhateng Mulia Kerta Ketapang. Lan ing wekdal punika Gusti Muhammad Sabran ndhirikaken Masjid Jami ing pinggiring Kali Pawan. Masjid Jami punika dipun-ginakaken dados papan kanggé nyiaraken agami Islam saha papan kanggé nindakaken salat ing Kampung Negeri Baru, Mulia Kerta, Tuan-Tuan, Banjar, Sungai Kinjil, Baru, Sukabaru, Mulia Baru, Kantor, Tengah, Sampit, saha Kampung Kaum ingkang sami salat ing masjid punika. Ing wekdal punika, Masjid At Taqwa punika sampun ngalami rehab total saéngga ornament masjid At Taqwa kala rumiyin sampun boten katingal malih.