Masjid Nabawi
| Al-Masjid al-Nabawi Masjid Nabawi ٱلْمَسْجِد ٱلنَّبَوِي ꦩꦱ꧀ꦗꦶꦢ꧀ꦟꦧꦮꦶ | |
|---|---|
Area Masjid Nabawi sisih kidul | |
| Koordinat: 24°28′06″N 39°36′39″E / 24.468333°N 39.610833°EKoordhinat: 24°28′06″N 39°36′39″E / 24.468333°N 39.610833°E | |
| Lokasi |  Madinah, Arab Saudi
|
| Madeg | c. 622 |
| Tradhisi | Islam Sunni |
| Administrasi | Pamaréntah Arab Saudi |
| Pemimpin | Imam(s): Ali bin Abdurrahman al-Hudhaifi (deleng pratélan) |
| Informasi arsitèktur | |
| Arsitèktur | Klasik lan kontemporèr Islam; Ottoman |
| Kapasitas | 600.000 (mundhak dadi 1.000.000 ing sajeroning mangsa kaji) |
| Menara | 10 |
| Dhuwur menara | 105 meter (344 kaki) |
Masjid Nabawi, iku sawijining masjid kang dumunung ing kutha Madinah, Saudi Arabia. Masjid iki, diwangun déning Kanjeng NabiMuhammad lan dadi panggonan pasaréyané lan para sahabaté. Masjid iki minangka salah siji masjid kang utama kanggoné umat Islam sawisé Masjidil Haram ing Mekah lan Masjidil Aqsa ing Yerusalem.
Kautamané masjid iki dipratélakaké déning Nabi Muhammad: "Salat ing masjidku iki luwih apik tinimbang salat ping sèwu ing masjid liyane, kajaba ing Masjidil Haram. [...] sapa kang ngayahi salat ing masjidku ping patang puluh salat fardu, ora kurang siji-sijia, dhèwèké bakal bébas saka geni neraka, bébas saka azab, lan bébas saka kamunafikan. Ora perlu répot lumaku, tekani waé telung masjid iki: Masjid Nabawi, Masjidil Haram lan Masjidil Aqsa."
Adhedhasar hadis-hadis iki mula kutha Madinah tansah ramé ditekani umat Islam kang nglakoni ngibadah haji minangka amalan wajib utawa ngibadah umrah minangka amalan sunat.
Masjid kang asli diyasa déning Nabi Muhammad Saw ing sisih daleme sawisé hijrah menyang Madinah ing taun 622. Masjid asli wujud yasan kabukak kanthi mimbar (meja khotbah) kanggo maca Al-Qur’an. Yasan iki awujud pasagi kanthi ukuran 30 m × 35 m (98 ft × 115 ft), diyasa nganggo glagah kurma lan témbok kagawé saka blethok, lan duwé telu lawang: Bab Rahmah ing sisih kidul, Bab Jibril ing sisih kulon lan Bab al-Nisa'ing sisih wétan.
Papan wigati
[besut | besut sumber]Ing sajeroné masjid Nabawi ana papan panggonan kang wigati antarané:
- Pasaréyan Nabi Muhammad lan para sahabat yaiku Abu Bakar As Siddiq r.a., Umar bin Khatab r.a.
- Raudah, ya iku papan ndedonga kang bisa diijabah, dunungé antarané pasaréyan lan mimbare Kanjeng Nabi Muhammad. Panggonan iki biyèn pekarangan dalemé Nabi Muhammad Nalika lumebu lan ndedonga ing Raudah iki jamaah ora kena wicara sora kudu sopan lan anteng.[1]
Imam
[besut | besut sumber]Ing ngisor iki wujud pratélan imam Masjid Nabawi:[2]
- Syaikh Ali ibn Abdurrahman al-Hudhaifi – Imam Besar Masjid Nabawi Madinah
- Syaikh Dr. Salah ibn Muhammad al-Budair (mimpin trawèh ing 2005-2006) saiki dadi imam penuh ing Masjid Nabawi
- Syaikh Muhammed as-Subayyil
- Syaikh Adil Kalbani (mimpin trawèh ing 2008 (1429 H)
Réferènsi
[besut | besut sumber]- ↑ "Etiket ing Raudah". Diarsip saka sing asli ing 2007-08-08. Dibukak ing 2009-04-03.
{{cite web}}: More than one of|archivedate=and|archive-date=specified (pitulung); More than one of|archiveurl=and|archive-url=specified (pitulung) - ↑ Nama-nama Imam Masjidil Haram dan Masjid Nabawi Archived 2011-04-23 at the Wayback Machine., saka blog.hoeda.info.
Uga delengen
[besut | besut sumber]Pranala njaba
[besut | besut sumber]- Masjid Nabawi Archived 2011-05-31 at the Wayback Machine.
- Masjid Al Nabawi Medina Archived 2008-12-26 at the Wayback Machine.
 | Artikel ngenani Islam iki minangka artikel rintisan. Kowé bisa ngéwangi Wikipédia ngembangaké. |