Katar
| Daulat Qatar (arab.) Katar | |||||
| |||||
 | |||||
| Offiziell Sprooch: | Arabesch | ||||
| Haaptstad: | Doha | ||||
| Staatsform: | Absolut Monarchie | ||||
| • Emir: | Tamim bin Hamad Al Thani | ||||
| • Premierminister: | Khalid bin Khalifa bin Abdul Aziz Al Thani | ||||
| Fläch: | 11.437 km² | ||||
| Bevëlkerung: | 839.213 (2005) | ||||
De Katar (arabesch: قطر Qatar) ass e Staat am Persesche Golf. Et ass eng Hallefinsel a grenzt u Saudi-Arabien.
Lag a Gréisst
[änneren | Quelltext änneren]De Katar läit am Nordoste vun der Arabescher Hallefinsel a seng Nopeschlänner si Bahrain, Saudi-Arabien an d'Vereenegt Arabesch Emirater.
D'Land huet eng Fläch vun 11.437 km². Vu Süden no Norde sinn et 180 km, a vu Westen no Osten 80 km.
Landschaft
[änneren | Quelltext änneren]Dat ganzt Land ass relativ flaach an eng grouss Partie ass Steewüst bal mat décke Waken, a bal mat Kisel.
Am Südosten um Mier läit d'Lagun Khor Udaid, an am Süde gëtt et bis zu 40 m héich Sanddünen.
Am Westen ass d'Hiwelkette vum Jebel Dukhan, där hiren héchste Punkt op ongeféier 110 Meter iwwer dem Mier läit. Ëm dat ganzt Land leie Koralleriffer.
Klima
[änneren | Quelltext änneren]De Klima ass subtropesch a ganz waarm. Well de Katar zimmlech no um Persesche Golf läit ass et dat ganzt Joer iwwer zimmlech schmeier.
Am Summer (Mee-September) leien d'Temperaturen tëscht 35 °C a 45 °C, an am Wanter tëscht 25 °C a 35 °C. D'Loftfiichtegkeet ass an der Moyenne 8 %. De Katar ass eent vun de Länner op der Welt mat de mannste Nidderschléi, an ass och soss ganz waasseraarm.
Um Spaweck
[änneren | Quelltext änneren]| Commons: Katar – Biller, Videoen oder Audiodateien |
