Eris
Eris (simbole: 
,[1] ance 136199 Eris o ante 2003 UB313) es la planeta nana la plu grande en nosa sistem solal, e la corpo nove de la plu grandes cual orbita la sol. Lo ave entre 2400 e 3000 cilometres de diametre e es plu masosa par 27% ca Pluto.
Eris ia es prima videda en 2003 par un grupo de Montania Palomar, gidada par Mike Brown. On no ia identifia lo asta 2005. Eris ave un luneta, nomida Disnomia. Sua distantia de la sol es sirca 97 UA, o sirca la truple de la distantia de Pluto. Estra alga cometas, la du es a esta ora la corpos la plu distante en la sistem solal.
Per la grandia de Eris, la descovrores e NASA ia nomi lo la planeta des. Par causa de esa, e la posible de descovre otra ojetos de grandia simil, la Uni Internasional de Astronomia (UIA) ia discute la defini de la parola "planeta" a la ves prima. Cuando los ia aproba un defini nova a 24 agosto 2006, Eris ia es nomida un "planeta nana", con Pluto e Ceres.
La nom es de la diva elinica Eris (Έρις), la diva de turba e nonacorda.
| La sistem solal | model | |
| Planetas: | Mercurio | Venus | Tera (Luna) | Marte | Jupiter | Saturno | Urano | Netuno |  |
| Planeta nana: | Ceres | Pluto | Eris | |
| Otras: | Sol |Stela | Sintur de asteroides | Galasia | Nebulosa | Buco negra | Buma grande | |
- ↑ JPL/NASA (2015-04-22). "What is a Dwarf Planet?."