Орксофта
Орксофта (лат.: Panthera leo) — жуватат Felidae юрста, фкя ниле "оцю катаста" Panthera симанксса. Сталмоц 200 килошка. Сон омбоце сяда оцю катаста бабрида меле. Тяни орксофтт эряйхть идем Сахарти малады паксява ди Азиеса коса синнеда пяк кържа судардсть кельме-шивалгомширень Индиеса, интай кунара юмасть кельмеширень Африкста, Кучка Шиньстяма ширеста, шивалгомширень Азиеста. 10,000 кизода инголе орксофттне ульсть сидеста васьфневихть лофцонь търяйхнень ёткса ломаньда меле. Синь эрясть сембе Африкова, Явразиева шивалгом Явропань сявомок Индие ди Америкти (Юкон ляйда Перу масторти)[1].
Орксофтт эряйхть 10-14 кизошка идем эрямаса, пякстаф кирдемаса 20 кизоти. Синь сидеста эряйхть саваннава, тише паксява, нъльне ситерькс вастова ди вирьге. Орксофттне пяк эсь тъналонь кельгихне иля кататнень коряс. Орксофтонь прайд (тънал) ащи эсь авакатада, синь лефкстост эди кържа лув пря атякатада. Авакатань полгац марса ракшатнень кунци пестяфнень кочказь. Орксофтсь ару рявсь эди ине вии рявсь.
Орксофтт пяк марявихть перьфпялень полафтоманцты, кепотьксонди синь тъналсна кирьсть 50%-ти сядагърда ётай 20-шка кизот Африкова. Синь тъналсна ашесть сударда аф ванфтови Африконь аймакова. Шарьхкодеви, цебярь эряма вастнень афсатыкс эди ломанень мархта тюрематне синь тъналснонь киреманц туфталоц. Орксофтнень кирдезь ряв перьфова Римонь мастор пингста ди XVIII сядокизонь кучкаста синь ине мяльстушендольхть ракшань перева сембе масторлангса. Тяниень пингста ракшань перет латци соткссна ди фкя-фкянь лездыхть ванфтомс кулси азиень орксофтт.
Лемонц шачемац
[петнемс | петнемс лисьмапрять]
Мокшень лем «орксофта» пяк кунара ди шачсь «ор» эди «офта» валста. Иля кяльса орксофтонь лемсна лиссть латинонь «leo» валста. Мокшень корхтафга ванфтовсь иля орксофтонь лемоц «орослан» кона сась "Аслан" эли "Арслан’’ (оттоманонь ارسلان arslān эди اصلان aṣlān) валста, туркань кяльста. Сельжук туркат, оттоматт эди иратт мярьгсть «Орослан» синь оцязорснонды. Венгерокс орксофтти мярьгихть oroszlán.
Орксоц
[петнемс | петнемс лисьмапрять]Иля катань ёткова орксофтсь фкясь конань ули тяфтама оркссь. Сон няеви сяда оцюкс орксть эзда. Оркссь лезды иля калопнень мархта тюреманцты, кепотьксонди ине душманонц путьку гиен мархта.
Лятфтамат
[петнемс | петнемс лисьмапрять]- ↑ Спиридонов С. Н., Лысенков Е. В., Кузнецов В. А., Водясова Л. П., Макушкина Л. И., Рузанкин Н. И., Лапшин А. С., Гришуткин Г. Ф., Ручин А. Б., Артаев О. Н. Мордовские названия птиц и млекопитающих Республики Мордовия // Труды Мордовского государственного природного заповедника им. П.Г. Смидовича. 2011. №9 С.201-218. (эрз.), (мокш.), (руз.)
Кучфтемат
[петнемс | петнемс лисьмапрять]
|
Орксофта Википърдафксса |
|---|
- Орксофта: Африкань Идем Эряфонь Ушедомать Идем эряфонь лихтемась
- Пантер орксофта "Animal Diversity Web"-ста
- Орксофттнень ванфтома ди ванондома фондсь
|
Тя апак шумордак сёрматфкссь. Ули мяльце сонь петнеманза ди поладоманза? Лезтт! |