Alis Marajo
 | |||
| Biografi | |||
|---|---|---|---|
| Lahia | 23 Juni 1946  Koto Payakumbuh | ||
| Kamatian | 28 Maret 2023 (76 tahun (id)  )Koto Payakumbuh | ||
2000 – | |||
| Data pribadi | |||
| Kalompok etnis | Urang Minangkabau | ||
| Almamater | Universitas Andalas SMA Negeri 1 Bukit (id) | ||
| Kagiatan | |||
| Karajo | Politikus jo dosen paguruan tinggi | ||
| Partai politik | Partai Golongan Karya (id) (1984–1989) | ||
| Kaluarga | |||
| Pasangan hiduik | Rismawati (id) | ||
| Anak | Elsi Risalma Putri (id) Elsandri Novia (id) Elfitrimelly (id) Elfirisalma Putri (id) Elmira Risalma Putri (id) Eldesra Mahyori (id) | ||
dr. Alis Marajo Datuak Sori Marajo (lahia 23 Juni 1946 – maningga 28 Maret 2023 pado umua 76 taun) adolah politikus senior Partai Golongan Karya, dokter, jo mantan dosen Indonesia nan manjabat Bupati Lima Puluh Kota duo periode, iolah 2000–2005 jo 2010–2015.[1] Inyo pernah manjabat sabagai Wakia Ketua Dewan Perwakilan Rakyat Daerah Kabupaten Lima Puluh Kota pariode 2009–2010. Sabalum tajun ka politik, inyo marupoan dosen tetap Fakultas Kadokteran Universitas Andalas sajak 1977 hinggo 2000.
Pandidikan jo aktivisme
[suntiang | suntiang sumber]Alis Marajo dilahiakan di Kecamatan Payakumbuh, Kabupaten Lima Puluh Kota, Sumatera Barat pado 23 Juni 1946. Kaluarganyo barasa dari Nagari Taeh Bukik, Kecamatan Payakumbuh.[2] Inyo tingga bapindah-pindah maikuti papindahan sakolahnyo. Inyo manganyam pandidikan di Sekolah Rakyat Nomor 11 Bukittinggi (1960), SMP Negeri 1 Danguang-Danguang, Lima Puluh Kota (1962), jo SMA Negeri 1 Bukittinggi (1965). Inyo dapek gala Dokter umum dari S1 Fakultas Kedokteran Universitas Andalas (FK Unand) pado 1977. Kamudian, inyo mandapekan gala S2 Dokter ahli histologi kadokteran dari kampus nan samo pado 1990.[3]
Dalam kahidupan kampus, Alis aktif dalam organisasi. Inyo tacatat manjabat Ketua Komisariat Himpunan Mahasiswa Islam (HMI) FK Unand pariode 1970–1972 jo marangkap sabagai Sekretaris Umum HMI Cabang Padang pariode 1971–1972. Inyo abis tu tapiliah sabagai Ketua Umum HMI Cabang Padang pariode 1973–1975. Kamudian, inyo tapiliah sabagai Ketua Umum Badan Koordinasi (Badko) HMI Sumatera Barat–Riau pariode 1975–1976. Inyo juo tacatat sabagai Wakia Ketua Komite Nasional Pemuda Indonesia Provinsi Sumatera Barat pariode 1979–1982.[4]
Karier akademisi
[suntiang | suntiang sumber]Sabalun batua-batua resmi mandapekan gala Dokter umum, Alis ditarimo dalam seleksi Calon Pegawai Negeri Sipil (CPNS) sabagai Asisten Dosen Histologi Fakultas Kedokteran Universitas Andalas (FK Unand) pado 1976. Pado taun barikuiknyo, inyo resmi manjadi Pegawai Negeri Sipil (PNS) di kampus itu. Pado 1980, kariernyo malejit sabagai Asisten Pambantu Rektor III Universitas Andalas hinggo 1984. Rektor Universitas Andalas katiko itu adolah Prof. Mawardi Yunus. Kamudian, pado 1999, inyo ditunjuak sabagai Kapalo Laboratorium Histologi FK Unand hinggo 2000.[5]
Karier politik
[suntiang | suntiang sumber]Katiko masih aktif manjadi dosen PNS di Unand, Alis alah bagabuang dalam kancah politik. Inyo tacatat manjabat Wakia Sekretaris Dewan Pimpinan Daerah Golongan Karya (DPD Golkar) Provinsi Sumatera Barat pariode 1984–1989.[6][7][8][9] Salanjuiknyo inyo diangkek sabagai Sekretaris pado 1987. Kamudian, pado 1997, inyo diangkek manjadi Wakia Ketua DPD Golkar Provinsi Sumatera Barat hinggo 1999. Pado 2004, inyo ditunjuak sabagai Ketua DPD Partai Golkar Provinsi Sumatera Barat hinggo 2009. Pado 2010, inyo manjabat Wakia Ketua DPD Partai Golkar Provinsi Sumatera Barat.[10]
Pado taun 2000, Alis Marajo dicalonkan sabagai bupati didampingi Amri Darwis lewat sistem perwakilan di Dewan Perwakilan Rakyat Daerah (DPRD) Kabupaten Lima Puluh Kota. Inyo baduo dapek mamanangkan pamilihan tasabuik.
Pado taun 2005, Alis Marajo manggandeng Zagly Bros untuak mengikuti Pemilihan umum Kepala Daerah Lima Puluh Kota 2005 nan marupokan Pilkada langsuang partama di daerah itu. Zagly Bros marupokan politikus Partai Amanat Nasional (PAN) nan sadang manjabat Wakia Ketua DPRD Kabupaten Lima Puluh Kota. Pasangan iko diusuang dek Partai Golongan Karya jo didukuang dek sabagian PAN. Pasangan Alis Marajo–Zagly Bros dikalahkan dek pasangan Amri Darwis–Irfendi Arbi, nan Amri notabene marupoan wakia dari Alis sabalumnyo. Pasangan Alis–Zagly dapek mangumpuakan 43.004 suaro sah atau 26,95%.[11][12][13]
Pado pamiliahan umum legislatif Indonesia 2009, Alis Marajo maju sabagai calon Anggota DPRD Kabupaten Lima Puluh Kota dari Partai Golongan Karya. Inyo dapek tapiliah sabagai anggota dewan jo jugo tapiliah untuak manjabat wakil ketua dewan tu.
Satahun barikuiknyo, Alis maju baliak sabagai calon bupati Lima Puluh Kota jo manggandeng Asyirwan Yunus. Asyirwan marupoan politikus Partai Bintang Reformasi nan sempat duduak di Dewan Perwakilan Rakyat Daerah Provinsi Sumatera Utara. Pasangan Alis Marajo–Asyirwan Yunus dapek mangalahan pasangan Irfendi Arbi–Zadry Hamzah pado putaran kaduo jo mandapekan 70.815 suara.[14] Alis Marajo dilantik sabagai bupati untuak periode keduo pado 11 November 2010.[15]
Kahidupan pribadi
[suntiang | suntiang sumber]Alis manikah jo Rismawati (lahia 1950), jo dikaruniai anam urang anak banamo Elsi Risalma Putri, Elsandri Novia, Elfitrimelly, Elfirisalma Putri, Elmira Risalma Putri, jo Eldesra Mahyori.[16]
Kamatian
[suntiang | suntiang sumber]Alis Marajo maningga dunia di Rumah Sakit Umum Daerah Dr. Adnaan WD Payakumbuh pado 28 Maret 2023 pukua 19.30 WIB dalam usia 76 taun.[17]
Karya tulih
[suntiang | suntiang sumber]- Tantangan Sumatera Barat : Mengembalikan Keunggulan Pendidikan Berbasiskan Budaya Minangkabau (salah saurang panulih basamo Alwi Nurdin, Azyumardi Azra, Basri AS, Edy Utama, Elfi Sahlan Ben, Fasli Jalal, Indra Djati Sidi, Januar Muin, Marlis Rahman, Mochtar Naim, Mursal Esten, Sutjipto, Taufik Abdullah (2001).[18][19]
Rujuakan
[suntiang | suntiang sumber]- ↑ "Profil Bupati dan Wakil Bupati" Archived 2013-11-02 di Wayback Machine. Situs Komite Pemantauan Pelaksanaan Otonomi Daerah. Diakses 16 Desember 2023.
- ↑ "Sekretariat Daerah". setda.limapuluhkotakab.go.id. Diakses tanggal 2023-12-16.
- ↑ "dr. Alis Marajo Dt.Sori Marajo" Archived 2014-08-21 di Wayback Machine. Situs resmi Pemerintah Kabupaten Lima Puluh Kota. Diakses 20 Agustus 2014.
- ↑ "dr. Alis Marajo Dt.Sori Marajo" Archived 2014-08-21 di Wayback Machine. Situs resmi Pemerintah Kabupaten Lima Puluh Kota. Diakses 20 Agustus 2014.
- ↑ "dr. Alis Marajo Dt.Sori Marajo" Archived 2014-08-21 di Wayback Machine. Situs resmi Pemerintah Kabupaten Lima Puluh Kota. Diakses 20 Agustus 2014.
- ↑ (dalam bahaso id) Almanak Golongan Karya. Yayasan Karya Panca Bhakti Pusat. 29 Nopember 1984. https://books.google.co.id/books?id=Jr1WAAAAMAAJ&pg=PA208.
- ↑ (dalam bahaso id) Almanak Golongan Karya. Yayasan Karya Panca Bhakti Pusat. 29 Nopember 1984. https://books.google.co.id/books?id=Jr1WAAAAMAAJ&pg=PA33.
- ↑ (dalam bahaso id) 20 tahun Golkar. Dewan Pimpinan Pusat Golongan Karya. 29 Nopember 1984. https://books.google.co.id/books?id=QxJXAAAAMAAJ&pg=PA133.
- ↑ (dalam bahaso id) Mediakarya: majalah bulanan Dewan Pimpinan Pusat Golongan Karya. DPP Golkar. 29 Nopember 1986. https://books.google.co.id/books?id=XVbpAAAAMAAJ&pg=RA13-PA43.
- ↑ "dr. Alis Marajo Dt.Sori Marajo" Archived 2014-08-21 di Wayback Machine. Situs resmi Pemerintah Kabupaten Lima Puluh Kota. Diakses 20 Agustus 2014.
- ↑ Pemilu, Penyuluh (Rabu, 21 Juli 2010). "Penyuluh Pemilu: Antara Irfendi dan Alis?". Penyuluh Pemilu. Diakses tanggal 2023-12-16.
- ↑ Redaksi (2020-07-22). "Kilas Balik Pilkada Limapuluh Kota: Cabup Petahana Belum Pernah Menang, Koalisi Partai Besar Selalu Kalah". Padangkita.com (dalam bahasa Indonesia). Diakses tanggal 2023-12-16.
- ↑ Sardini, Nur Hidayat (2017). Mengeluarkan Pemilu dari Lorong Gelap: Mengenang Husni Kamil Manik 1975-2016. Yayasan Pustaka Obor Indonesia. ISBN 9786024335014. https://books.google.co.id/books?id=BCZ0DwAAQBAJ&pg=PA672&dq=amri+irfendi&hl=id&sa=X&ved=2ahUKEwiQvdyl5cvwAhVZaCsKHRTwAC0Q6AEwAXoECAMQAw#v=onepage&q=amri%20irfendi&f=false.
- ↑ antaranews.com (2010-10-21). "MK Tolak Sengketa Pilkada Lima Puluh Kota". Antara News (dalam bahasa Indonesia). Diakses tanggal 2023-12-16.
- ↑ "Haluan 05 Desember 2011 by Harian Haluan - Issuu". issuu.com (dalam bahasa Inggris). 2011-12-04. Diakses tanggal 2023-12-16.
- ↑ "Haluan 26 April 2012 by Harian Haluan - Issuu". issuu.com (dalam bahasa Inggris). 2012-04-25. Diakses tanggal 2023-12-16.
- ↑ Fuadi Zikri (28 Maret 2023). "Kabupaten Lima Puluh Kota Berduka, Mantan Bupati dr. Alis Marajo Berpulang". Tribunpadang.com (dalam bahasa Indonesia). Diakses tanggal 16 Desember 2023.
- ↑ http://103.160.118.139:5554/inlislite3/opac/detail-opac?id=40095[pranala nonaktif permanen]
- ↑ Marajo, Alis Marajo Dt Sori (2001) (dalam bahaso id). Tantangan Sumatera Barat: mengembalikan keunggulan pendidikan berbasiskan budaya Minangkabau. Citra Pendidikan. https://books.google.com/books?id=YPeeAAAAMAAJ&newbks=0&hl=id.