Buddy Collette
Buddy Collette (eegentlich: William Marcel Collette; * 6. August 1921 in Los Angeles, Kalifornien; † 19. September 2010 ok dor[1]) weer en US-amerikaansch Jazzmusiker (Tenorsaxophon, Flöte un Klarinett), de grooten Infloot up den West-Coast-Jazz harr un Lehrer vun wichtig Musikers weer.
Leven un Karriere
[ännern | Bornkood ännern]Mit 12 Johren fung Collette an, up dat Altsaxophon to spelen un hett sien eerst Jazzband leit, to de Britt Woodman up de Basuun un Charles Mingus an’t Bass hörrn deen. Mit 17 Johren wurr he professionell Musiker. Nah den Wehrdeenst as Bandleader bi de US-Marine hett he mit den Stars of Swing arbeit (to de Woodman, Mingus un Lucky Thompson hörrn deen). Mit den Saxophonisten Dexter Gordon, Charles Mingus un Chico Hamilton speel he denn Bebop in Los Angeles. He weer en vun de eersten Flötisten vun den Modern Jazz. In de fröh 1950ern weer he Studiomusiker un weer de eerste afroamerikaansch Musiker, de in’t Feernsehn uptreden is (in dat Programm vun Groucho Marx You Bet Your Life). 1954 speel he in en Quintett mit Tal Farlow, Red Norvo, den Slagtüüchspeler Chico Hamilton un de Bassisten Monty Budwig bzw. Red Callender.
1955 weer he Grünnensliddmaat vun dat legendär Quintett vun Chico Hamilton mit den Gitarristen Jim Hall un den Cellisten Fred Katz. 1956 nehm he sien eerst Album as Bandleader up (Man of Many Parts). Sien Tosommenarbeit mit den Saxophonisten Dexter Gordon, den Slagtüüchspeler Chico Hamilton un sien langjohrig Früend Charles Mingus begrünnd sien Stellung binnerhalv vun de Jazzszene von Los Angeles as ok sien fröh Intreden för en Vereenigung vun de anfangs nah Huutfarv trennt lokal Musikergewerkschap.
In‘ Ünnerscheed to anner inflootriek Musikers vun den West-Coast-Jazz bleev Collette in Kalifornien, wo he in de Studios arbeiten dee un tosätzlich jedes Weekenenn mit sien Quintett speel un upnehmen dee, aber ok anner Holtblasmusikers utbilden dee. To sien Schölers hörrn u. a. Eric Dolphy, Charles Lloyd, Frank Morgan, Sonny Criss un James Newton. Europatourneen hett Collette blots af un an ünnernommen..
1996 hett hüm de Library of Congress mit de Kompositschoon un Upführung vun en Big-Band-Konzert beupdragt. Siet en Slaganfall 1998 kunn he nicht mehr as Musiker uptreden, bleev aber in Los Angeles as Jazzlehrer aktiv (ünner annern mit Kinnerprogrammen). Collette weer todem in de Bürgerrechtsbewegung bannig aktiv.
Autobiographisch Book
[ännern | Bornkood ännern]Buddy Collette, Steven Louis Isoardi: Jazz Generations: A Life in American Music and Society. New York, London: Continuum 2000; ISBN 978-0826447210