Raymond Poulidor
Raymond Poulidor (* 15. April 1936 in Masbaraud-Merignat; † 13. November 2019 in Saint-Léonard-de-Noblat[1])) weer, ofschoonst „ewig Tweet“, en vun de populärsten franzöösch Radrennfohrer.
De in Frankriek blots „Poupou“ nömmt Poulidor kunn sück tüschen 1962 un 1976 acht Mal up dat Podium vun de Tour de France platzeeren (dree 2. Platzen, fiev 3. Platzen), ahn dat wichtigst Etappenrennen vun de Welt een eenzig Mal to winnen, oder ok blots dat Geel Trikot to dragen. In Frankriek wurrd sien Naam dorher bit hüüd faktisch as Synonym för „Pechvagel“ bruukt. Trotz oder jüst wegen dit Image as „ewig Tweet“ weer Poulidor to sien akktiv Tiet de populärste Sportler vun Frankriek, noch vör sien groot sportlich Rivalen, den fievmaligen Toursieger Jacques Anquetil.
An‘ dichtsten dran an en Toursieg weer he 1964. In de franzöösch Sporthistorie ingahn is dorbi vör allen sien legendär Ellenbagenduell mit den grooten Favoriten Anquetil an den Puy de Dôme. Anquetil weer in‘ Gegensatz to Poulidor an‘ Enn‘ vun sien Kräfte, hett dat aber an Barg nich wiest. Poulidor hett völ to lang mit sien Angreep töövt. In Paris harr he man blots 55 Sekunn Rückstand up dat Geel Trikot.
Neben völ anner Siege bi lüttgere Rundfohrten kunn Poulidor aber tominst de Vuelta a España 1964 winnen un dormit wenigstens een vun de groot Landsrundfohrten up sien Naam schrieven. To Anfang vun sien Karriere harr he 1961 dat klassisch Eendagsrennen Mailand–Sanremo wunnen.
1974 wurr he vun de Sportzeitung L’Équipe to Frankrieks Sportler vun dat Johr („Champion des champions“) wählt.
1977 hett Poulidor sien Loopbahn beend, nahdem he noch een Johr vörher mit 40 Johren noch eenmal den darten Platz bi de Tour beleggt harr.
Filme
[ännern | Bornkood ännern]- Arte-Dokumentation: Radsport Anquetil/Poulidor - Die großen Sportduelle, Doku von Olivier Hennegrave, Frankriek 2001, 50 min
Weblenken
[ännern | Bornkood ännern]Enkeld Nahwiesen
[ännern | Bornkood ännern]- ↑ cvh: Französische Radsport-Legende Raymond Poulidor ist tot. In: Focus Online. 13. November 2019, afropen an’n 13. November 2019.