Richard Carpenter

Richard Carpenter
Richard Carpenter med systera, Karen, i Det kvite huset den 1. august 1972.
Fødd	15. oktober 1946 (78 år)
Fødestad	New Haven i Connecticut
Fødenamn	Richard Lynn Carpenter
Opphav	Downey i California i USA
Aktiv	1965 til i dag
Sjanger	Pop
Instrument	vokal, piano, klaverinstrument, synthesizerar
Tilknytte artistar	The Carpenters, Karen Carpenter
Plateselskap	A&M
Verka som	Musikar, plateprodusent, arrangør, låtskrivar
Mor	Agnes Reuwer Tatum
Far	Harold Bertram Carpenter

Richard Lynn Carpenter (fødd 15. oktober 1946) er ein USA-amerikansk popmusikar, mest kjend som eine halvdelen i syskenduoen the Carpenters, i lag med systera Karen Carpenter. Han var plateprodusent, arrangør, pianist, klaverspelar, stundom tekstforfattar og komponist, i tillegg til at han song harmonivokal med Karen.

Biografi

Carpenter byrja å ta timar i klassisk piano då han var ni år gammal og heldt fram med dette då han gjekk på Yale. Carpenter-familien flytta til Downey i California i 1963, og han fortsette studiane sine på University of Southern California og California State College ved Long Beach. I 1965 danna han ei gruppe med systera og ein tredje person, og starta sidan det seks mann store bandet Spectrum. Richard og Karen fekk platekontrakt med A&M i 1969. Som the Carpenters opplevde dei enorm kommersiell suksess i 1970-åra med ei rekkje softrockballadar, somme av dei skrivne av Richard i lag med andre. Karen døydde i 1983 av komplikasjonar av anoreksi. Richard gav ut debutalbumet sitt som soloartist, Time, i oktober 1987.

Diskografi

The Carpenters

Sjå diskografien til Carpenters

Album

År	Tittel
1987	Time
1998	Pianist • Arranger • Composer • Conductor

Kjelder

• Denne artikkelen bygger på «Richard Carpenter (musician)» frå Wikipedia på engelsk, den 3. februar 2015.
  • Wikipedia på engelsk oppgav desse kjeldene:

Bakgrunnsstoff

• Richard and Karen Carpenter - offisiell nettstad
• Richard Carpenter ved The Internet Movie Database (IMDb)