Joan Ganhaire
Joan Ganhaire (en francés Jean-Leopold Ganiayre) es un escrivan perigòrd de lenga occitana (escriu sas òbras en lemosin), nascut a Agen en Òut e Garona lo 21 de mai de 1941.
Après aver seguit sos estudis segondaris a Peireguers estudièt la medecina a Bordèu per s'installar coma mètge en Peirigòrd ont naissèt sa vocacion d'escrivan occitan. Obtenguèt lo Prèmi Jaufre Rudèl en 2001 amb son òbra Lo viatge aquitan.
Ganhaire foguèt conselhièr generau dau Canton de Brantòsme en Dordonha de 2004 a 2015.
Son darrièr libre, Vautres que m'avètz tuada, foguèt prefaciat per l'escrivan Micheu Chapduelh qu'i ensagèt d'explicar la realitat de la lenga emplegada e la lemosinitat dels escriches de l'autor aprèp de criticas, emesas per Sèrgi Viaule, a prepaus de la lenga de Ganhaire. L'acusèt de "s'embarrar dins un iperdialectalisme" demest d'autras causas, dins un article e compte-rendut que foguèt publicat en genièr de 2013 dins Jornalet.
Bibliografia
[modificar | Modificar lo còdi]- Lo libre dau reirlutz. IEO-Novelum, 1978. Prèmi Pau Froment 1978.
- Portes de l'ombre, Lo libre dau reirlutz. Gardona : Fédérop. Doble disque compacte del tèxte legit en occitan pel cantaire lemosin Joan Pau Verdier e acompanhat d'una traduccion legida en francés.
- Lo darrier daus Lobaterras. Marselha : IEO-A Tots, 1984.
- Dau vent dins las plumas. Orlhac: IEO-A Tots, 1992. Prèmi Joan Bodon 1994.
- Cronicas de Vent-li-Bufa. IEO-Novelum,1995.
- Lo viatge aquitan. Castras : IEO-A Tots, 2000. Prèmi Jaufre Rudel 2001.
- Sorne transluc. Castras : Novelum-IEO-Crimis, 2004.
- Las islas jos lo sang. Bonlòc : IEO-A Tots, 2006.
- Las tòrnas de Giraudon, IEO-Crimis, 2010.
- Vautres que m'avètz tuada, Novelum-IEO-Crimis, 2013.
- Cò-ditz la Pès-Nuts, Novelum-IEO, 2013, libre ambé dos CDs.
- Chamin de Copagòrja, Novelum-IEO-Crimis, 2015.
- Sevdije, Novelum-IEO-Crimis, 2016.
- Un tant doç fogier, Novelum-IEO-Crimis, 2017.
- La mòrt vai mai regde que lo vent, Novelum-IEO-Crimis, 2018.
Ligams extèrnes
[modificar | Modificar lo còdi]- Convèrsa amb Joan Ganhaire (oc)
- Lo site de Joan Ganhaire (oc) (fr)
