Radio

Radio is träidloose Telegrafie of Telefonie wiermäd elektromagnetiske Signoale ap bestimde Frequenze soand of ämpfangd wäide konnen. In ju Uumgongssproake wäd dät Woud Radio uk wäil bruukt foar ju Radioreewe un dän Radioseender.

Bie Internetradio sunt ferskeedene Computere mädnunner ferbuunden. Deerbie lapt ju Ferbiendenge maasttied uur Koabele, man kon daach uk träidloos weese. Dan rakt et wäil Radiowällen.

Ju Reewe

AM un FM

Uum Radio tou moakjen mout die Seender n Mikrophon, n Moduloator, n Oszilloator un n Antenne hääbe. Dät Mikrophon wondelt dät Luud uume tou n läichfrequent elektrisk Signoal, dät dan fon dän Moduloator touföiged wäd an dät fon dän Oszilloator moakede hoochfrequente elektriske Signoal, wät dan uur ju Antenne uutsoand wäd. Dät Touföigjen wäd Modulation naamd. Do Modulationswiesen do der ap maaste bruukt wäide, sunt Amplitudenmodulation (AM) un Frequenzmodulation (FM). Deerbie wäd beluukengswiese ju Amplitude of dän Frequenz fon dät hoochfrequente Signoal annerd. Do Antennen stounde oafte ap n hoogen Touden, uum n groot Beräk tou kriegen.

Die Ämpfanger (ju Radioreewe) häd uk ne Antenne un deertou n Demodulator, die dät modulierde hoochfrequente Signoal wier uumesät tou n läichfrequent Signoal, dät in n Ferstäärker ferstäärked wäd un wier tou Luud uumesät wäd in dän Luudspreeker. Do maaste Radioreewen konnen däälich AM un FM modulierde Signoale ämpfange. Maastens oarbaidje do ätter dät Superheterodyn- of Uurleegerengsprinzip, wierfoar n lokoalen Oszilloator ounbaud is.

Ferspreedenge fon Radiowoogen

Sjuch Ferspreedenge fon Radiowoogen foar dän Haudartikkel.

Digitoal

Digitoale Radiosignoale kricht me truch Hoochfrequente Signoale mäd Digitoale Signoale tou modulierjen. Eerste wäide do dan mäd Analog-Digitoal-Uumsättere (A/V-Wondeler) uut dät analoge Audiosignoal leeken un mäd een fon do gongboare MPEG-Ferfoaren komprimierd. Foar dät Fääreseenden uur Satellit un/of Koabel of DAB-T wäide do oankelde Signoale mäd Hälpe fon sonaamde Multiplexer mäd uur Signoale (Fiersjoon, Radio, Doatentjoonste) tou aan eenhaidelken Transportstroom kombinierd. Disse Wiese fon uutseenden ärfoulget bie do maaste ARD-Programme un moorere Privitradio's direkt uur dän Satellit.

Uurdreegengsweege

Moderne GPS Ämpfangere, toun Biespil foar Autonavigation.

Radio wäd fersprat:

uur Antenne
uur Koabelnet
uur Satellitenradio
uur Internet
- as Live-Stream
- as Internetradio

Dät Radio wäd uurdrain:

Analog
Digitoal (Digitoalradio)

Deerbie skäl dät analoge Ferfoaren bolde truch dät digitoale Ferfoaren ärsät wäide.

Sjuch uk

Ferbiendenge ätter buuten

Commons: Radio – Mediendoatäie

ARD radio Düütsk
Buundesferbeend foar fräie Radios Düütsk
Seelterfräiske Radio

Geskichte

Steven Schoenherr sien History of Radio Ängelsk
The Broadcast Archive - Radio History on the Web! Ängelsk

Internetradio

Ferskeedene Radioseendere Düütsk
Ferskeedene Radioseendere fon ju ganse Waareld Ängelsk
Harkje Live radio wrâldwiid Ängelsk