Azincourt
Azincourt | ||
|---|---|---|
 Lugar han Pag-awayan han Agincourt | ||
| ||
| Nasod | Fransya | |
| Rehiyon | Hauts-de-France | |
| Department | Pas-de-Calais | |
| Arrondissement | Montreuil-sur-Mer | |
| Kanton | Le Parcq | |
| Interkomyunalidad | Canche Ternoise | |
| Kagamhanan | ||
| • Alkalde (2001–2008) | Bernard Boulet | |
| Langyab1 | 8.46 km2 (3.27 sq mi) | |
| Molupyo (2005)2 | 286 | |
| • Densidad | 34/km2 (88/sq mi) | |
| Zona hin oras | CET (GMT +1) (UTC+1) | |
| • Summer (DST) | CEST (UTC+2) | |
| INSEE/Kodigo postal | 62066 /62310 | |
| Kahitaas | 100–142 m (328–466 ft) | |
|
1An Franses nga data hin Rehistro hin Tuna, nga dirì naglalakip hin mga danaw, mga pond, mga glacier > 1 km² (0.386 nga kw nga mi o 247 ka akre) ngan mga estuary hin salog. 2 Molupyo nga waray doble nga pag-ihap: mga molupyo hin diri-la-usá nga mga komyun (e.g., mga estudyange ngan mga personnel militar) gin-iihap la hin makausá. | ||
An Azincourt (Frinanses nga pagluwas: [azɛ̃kuʁ]; ha kaagi, Agincourt ha Iningles) amo in usa ka komyun ha departamento han Pas-de-Calais ngan ha rehiyon han Nord-Pas-de-Calais ha nasod han Fransya.
Heyograpiya
[igliwat | Igliwat an wikitext]Nahamutang ini hin 12 ka milyas (20 ka km) ha kanawayan tikang ha Saint-Pol-sur-Ternoise ha dalan nga D71.
Etimolohiya
[igliwat | Igliwat an wikitext]Waray ini pagkasumpay ha etimolohiya ngan fonetika ha Frinanses han Agincourt, Meurthe-et-Moselle (Egincourt 875), nga gindugtong hin lain nga ngaran Germanico nga *Ingin-.[1]
Kaagi
[igliwat | Igliwat an wikitext]Kilalado an Azincourt nga amo an lugar han pag-awayan han 25 han Oktubre 1415 nga diin an ehersito ni Hadi Henry V han Inglaterra nagdaog patok han mga pwersa nga pinangunahan ni Charles d'Albret para kan Charles VI han Fransya, ngan gintalaan ha kasaysayan Ingles nga Pag-awayan han Agincourt.
Ha urhe nga panahon, han pagin-hadi ni Henry VIII han 1509, ginpasidunggan niya in Ininglis nga bersyon han Kinabuhi ni Henry V basi niya subdon hiya, tungod han iya hunanhuna nga usa nga kampanya patok han Fransya makabulig ha iya nga magkaada hin lugar ha Europeo nga entablado. Han 1513, tinmabok hi Henry VIII han English Channel ngan kinmadto hiya ha Azincourt. Gin-updan hiya ni John Nevill.[2]
Katawhan
[igliwat | Igliwat an wikitext]| 1962 | 1968 | 1975 | 1982 | 1990 | 1999 | 2005 |
|---|---|---|---|---|---|---|
| 213 | 220 | 210 | 228 | 250 | 276 | 286 |
| Census nga pag-ihap tikang han 1962 : Katawhan nga waray doble nga pag-ihap | ||||||
Mga kiritaon
[igliwat | Igliwat an wikitext]An orihinal nga museo han pag-awayan dida han baryo nagpanguna hin mga modelo nga mga knight nga ginhimo tikang hin Action Man nga mga tawo-tawo. Ha yana, ginsaliwanan na ini han puropropesyonal nga lugar hin pagpakita nga nagamit hin laser, video, mga slide nga pasundayag, mga audyo nga komentaryo ngan pira nga mga interactive nga elemento. An edifisyo han museo baga an kahimo hin usa han mga longbow nga gin-gamit dida han pag-awayan han mga paragpana ni Hadi Henry V.
An baryo mayda festival ha tagsa lain nga tuig, nga naghihinumdom han pag-awayan ngan nag papakita hin dirudilain nga mga stall ngan display. An gi-urhii ginhimo dida han Hulyo 21 tubtob Hulyo 22, 2007.[3]
Kambal nga mga bungto
[igliwat | Igliwat an wikitext]Ginkambal an Azincourt han Ingles nga baryo han Middleham ha North Yorkshire.
Kitaa gihapon
[igliwat | Igliwat an wikitext]Mga kasarigan
[igliwat | Igliwat an wikitext]- ↑ fr:Albert Dauzat et fr:Charles Rostaing, Dictionnaire étymologique des noms de lieux en France, éditions Larousse 1968. p. 4.
- ↑ The House of Commons: 1509 - 1558, Volume 4; Stanley T. Bindoff, John S. Roskell, Lewis Namier, Romney Sedgwick, David Hayton, Eveline Cruickshanks, R. G. Thorne, P. W. Hasler (Boydell & Brewer, 1982)
- ↑ "Azincourt Alliance". Ginhipos tikang han orihinal han 2000-12-04. Ginkuhà 2011-08-18.
Mga sumpay ha gawas
[igliwat | Igliwat an wikitext] |
An Wikimedia Commons mayda media nga nahahanungod han: Azincourt |
- Azincourt ha Insee nga websayt Ginhipos 2007-03-12 han Wayback Machine (Frinanses)
- Azincourt ha Quid nga websayt (Frinanses)
