Bago pa ang Pagsabog
Habang Nangyayari at Pagkatapos ng Pagsabog
Nauugnay na Nilalaman
Ang mga pampasabog na device ay maaaring dinadala sa sasakyan o ng tao, inihatid sa pakete o nakatago sa tabing kalsada. May mga hakbang na maaari mong gawin upang maghanda.
Bago pa ang Pagsabog
Image
- Bumuo ng Supply Kit na Pang-emerhensiya
- Gumawa ng Pang-Emerhensiyang Plano sa Pamilya.
- Alamin kung paano tukuyin ang kahina-hinalang aktibidad at kung ano ang gagawin sa kaso ng mga pagbabanta ng bomba.
- Siguraduhin na ang iyong mga tagapag-empleyo ay may up-to-date na impormasyon tungkol sa anumang mga medikal na pangangailangan na maaaring mayroon ka at kung paano makipag-ugnayan sa mga itinalagang benepisyaryo o mga kontak sa emerhensiya.
- Kung may nakita ka, magsabi ka . Sa pamamagitan ng pagiging alerto at pagre-report ng kahina-hinalang aktibidad sa iyong lokal na tagapagpatupad ng batas, makakatulong kang protektahan ang iyong pamilya, kapitbahay at komunidad.
Habang Nangyayari o Pagkatapos Kaagad ng Pagsabog
- Palaging sundin ang mga tagubilin ng mga lokal na opisyal. Maaaring wala kaagad sa pinangyarihan ang mga serbisyong pang-emerhensiya.
- Manatiling kalmado. Kung ang mga bagay ay bumabagsak sa paligid mo, pumunta sa ilalim ng isang matibay na mesa o desk.
- Kung ligtas na gawin ito, umalis kaagad sa lugar hangga't maaari. Huwag huminto para kunin ang mga personal na ari-arian o tumawag sa telepono.
- Kapag nakalikas ka na sa ligtas na lugar, ipaalam sa iyong pang-emerhensiyang kontak ng pamilya na ligtas ka sa pamamagitan ng pag-text o pagmemensahe sa kanila sa social media. I-save ang mga tawag sa telepono para sa mga emerhensiya.
- Kahit na hindi ka direktang kasali sa pagsabog, manatiling may kaalaman at makinig sa mga lokal na opisyal. Maaaring hihilingin sa iyo na lumikas o patayin ang iyong kuryente at tubig.
Image
Kung ikaw ay nasa loob, at maaaring lumikas:
- Suriin kung may sunog at iba pang mga panganib. Panatilihin ang pag-iingat kung may usok.
- Huwag gumamit ng elevator. Iwasan ang mga sahig at hagdanan na halatang marupok.
Kung ikaw ay na-trap sa ilalim ng mga pira-pirasong basura (debris):
- Gumamit ng flashlight, pito o mag-tap sa mga tubo upang ipahiwatig ang iyong lokasyon sa mga tagasagip. Sumigaw lamang bilang huling paraan upang maiwasan ang paglanghap ng alikabok.
- Takpan ang iyong ilong at bibig ng anumang bagay na nasa kamay mo.
Kung nasa labas ka:
- Patuloy na lumayo patungo sa lugar sa ligtas.
- Maaaring ikaw ang tumulong hanggang dumating ang tulong . Kung ligtas na gawin ito, tulungan ang mga tao na makarating sa kaligtasan.
- Kung alam mo kung saan na-trap ang mga tao, huwag subukang iligtas sila dahil ang gumagalaw na mga pira-pirasong basura (debris) ay maaaring magdulot ng karagdagang pinsala. Kapag dumating na ang serbisyong pang-emerhensiya sa pinangyarihan, agad na abisuhan sila.