Wangkuta picirkiutvut
Vote.gov-aaq Amiulikarmiut atularaat cucuklillerkameggnun cacetuqutnguan-wa. Picirkiutvut man’a qacignarqevkaasqelluku cucuklillerkaitnun yuut.
Vote.gov-aam cucuklilriit paqcesqelaraat kamputelakun nunarpiim cucuklirvia naaqnarqellrianek pingqerrnayukluki. Vote.gov-aami kalikanek imiriyuitut cucuklillerkam tungiinun. Nunarpagpeceni taugaam kalikanek imiriarkauguci. Vote.gov-aaq pinarqellrianek kalikanek avaliituq.
Vote.gov-aaq kalikartanek pilartuq ayuqenritellrianek qaneryaranek. Amiulikarmiut tangllermegteki 70-gguq miilicaat engelkarrluku qaneryarangqellinilriit kass’atun piunrilngurmek. Cucuklircuutnek picirkilartukut kass’aunrilngurmek Amiulikam yui ikayurnaluki cucuklillerkaita tungiinun
Kituucirput
Vote.gov-aaq kamputelaami paqcugngauq Amiulikarmiut anguyagtainek kingunerluni ukut-llu mianikaqluku: Una neggluku tangerrniaraten (kass'atun) Atanerpiit Amiulikarmiut Caliviatni.
Ikayuqutaagulluta ukut-llu pilartukut: Amiulikarmiut cucuklirviit calistait (kass'atun) cali ukut: Kamutelaat mianiktukait yuut (kass'atun) assilriarrlainarnek picirkiutengnaqluta cucuklilrianun.
Allanek cali ilaluta pilartukut anguyagtet piitnek—uumek-llu ilaluta Anguyagtet Cucuklillerkaita Ikayuristiitnek, Amiulikarmiungurtengnaqellrianek, Nunarpiit-llu Caliviatnek—kalikartanek pingqerrarkauluta cucuklitulit piitnek allanun calivignun anguyagtet piviatni.
Ikayuqutaagulluta nunarpagnek kingunengqellrianek cali nunacuarni cucukliristenek uumek Anguyagtet Calistaitnek pitukiitnek, Secretary of State-amek cali Anguyagtet caliviatnek Nunarpagni Atanritnek cucuklillerkam kalikartai natlegnerunateng pillerkaitnek.
Ak’a imumi pillret
Vote.gov-aaq piurtellruuq 2016. 2021-aami, Anguyagtet atanrata Biden-aam piurtellrua una: Kalikartat 14019 Cucuklillerkat Picirkiutait (kass'atun). Ikayuristet Anguyagtet Caliviat ikayungnaqlarait yuut cucuklillerkait qacigivkangnaqluku.
Ikayuristet Anguyagtet Caliviat kamputelaam pii kitugillruat una picirkiun Anguyagtet Picirkiutiit 14019-aamek aterluni. Vote.gov-aam kamputelaam iluanelnguum ikayungnaqai yuut ukunek picirkirluteng:
- 20-nek qaneryaranek mumigciluteng, 96% engelkarrluku yui Amiulikami
- Taringnariluki kalikat, naaqsugngarivkarluki, cali tangellrit assirivkarluki
- Kamputelakun imiriyugngaringnaqevkarluki uumek kingunelek Anguyagtet Tuyuqarkait Kalikat ayagcetlerkait
- Search.gov-aam maligtaqui uum picirkiutai: Una neggluku (kass'atun). Qacigivkangnaqluki yuut yuallrit cali qaneryarait aturluki naaqlerkait.
- Anguyagtenek kingunelek kalikartat cucuklillerkam tungiinun ataucimi nalaqlerkaat
Vote.gov-aam ikayungnaqai tamalkuita yuut cucuklillerkaita tungiinun. Erinaqan cucucklillren.