Portal:Toān-kì
Jîn-bu̍t toān-kì ê Mn̂g-kháu-ia̍h
Tùi bó͘ chi̍t-ê jîn-bu̍t sè-miā lâi-le̍k ê siông-sè kì-su̍t, hō chò toān-kì, nā khah kán-tan ê kài-siāu thang kóng sió-toān. Toān-kì m̄-ná sī khai-lia̍t chhiūⁿ kàu-io̍k, khang-khòe, koan-hē kap seⁿ-sí téng ki-pún sū-si̍t, mā kì-lio̍k kok-lâng tī chiòng sū-kiāⁿ tang-tiong ê keng-giām. Kap jîn-sū tóng-àn (profile) iā lí-le̍k-su (résumé) bô sio-siâng, chi̍t hūn toān-kì piáu-hiān jîn-bu̍t ê sè-miā kò͘-sū, tiōng i sè-miā tang-tiong ê chē-chē hong-bīn, pau-koat chhin-sin keng-giām ê sè-hāng tāi-chì, jî-chhiá mā khó-lêng hâm tùi lâng sèng-chit ê hun-sek.
Siū tio̍h kì-lio̍k tùi-siōng he̍k-chiá i-ê ka-cho̍k jīm-khó, ha̍p-chok, hia̍p-pān ê toān-kì, hō chò siū-khoân toān-kì. Nā sī kì-su̍t tùi-siōng ka-tī, he̍k-chiá kah lâng chò-hóe siá--chhut-lāi-ê, hō chò chū-toān. Toān-kì ê siá-chok it-poaⁿ sǹg sī hui-hi-kò͘-lūi, m̄-koh mā ē-tàng ēng hi-kò͘ ê hong-sek lâi kì-su̍t chi̍t-ê jîn-bu̍t ê sè-miā. Tùi bûn-ha̍k kàu tiān-iáⁿ, ū mûi-thé iūⁿ-sek chē khoán ê toān-kì.
Kòe-soán ê toān-kì
Kòe-soán ê iáⁿ-siōng
Chhut-chù: Smithsonian Institution/Science ServiceBarbara McClintock (1902 nî 6 goe̍h 16 ji̍t – 1992 nî 9 goe̍h 2 ji̍t) sī Bí-kok ê si̍t-bu̍t-ha̍k-ka kiam ûi-thoân-ha̍k-ka. I sī se-pau ûi-thoân-ha̍k ê sian-chìn-chiá chi it, mā sī transposon ê hoat-kiàn-chiá, chit hāng gián-kiù hō͘ i tit tio̍h 1983 nî Nobel chióng.
Kin-á-ji̍t – 12 goe̍h 24 ji̍t
Lí kám chai-iáⁿ...
- ... he Pakistan ê lú-sèng kàu-io̍k ūn-tōng-chiá Malala Yousafzai tit tio̍h Nobel Hô-pêng Chióng ê sî-chūn sī siāng siàu-liân ê Nobel Chióng tit-chióng-jîn?
- ... he Sūi-se ê cheng-sîⁿ-pēⁿ-ha̍k-ka Carl Jung (siōng) sī chē khoán sim-lí-ha̍k khài-liām chhin-chhiūⁿ chi̍p-thé bû-ì-sek ê khai-ki-chiá?
- ... he Hoat-kok chhut-sin ê sîn-ha̍k-ka Jean Calvin tè-bé tī Geneva hoat-tián i tùi Ki-tok-kàu ê kái-kek sîn-ha̍k, hō͘ hit-ê siâⁿ chiâⁿ chò chong-kàu kái-kek ê tiōng-iàu sè-le̍k?
