交州

越南史 （越南舊名）
2879–2524 BC 赤鬼 2524–258 BC 文郎 257–207 BC 甌雒 207–111 BC 南越 111 BC–39 AD 交趾 40–43 嶺南 43–299 交趾 299–544 交州 544–602 萬春 602–679 交州 679–757 安南 757–766 鎮南 766–866 安南 866–967 靜海軍 968–1054 大瞿越 1054–1400 大越 1400–1407 大虞 1407–1427 交趾 1428–1804 大越 1804–1839 越南 1839–1887 大南 1887–1945 東洋/印度支那 ： 北圻/東京 中圻/安南 南圻/交趾支那 1945以後 越南 主模 {{越南史}}

交州（粵拼：gaau1 zau1）係華夏南方一個州，建於大漢末期。管地時大時細，喺嶺南地方。

史

大漢

永和六年（141年），交阯太守周敞要求立州，不過朝延傾過唔畀，周敞做咗交阯刺史。

建安八年（202年）立，交阯刺史張津同交阯太守士燮向皇帝劉協要求立州，皇帝准，叫交州，張津做咗州牧。交州個名就係由交阯來。交州管七郡五十六縣，即係南海郡、蒼悟郡、鬱林郡、合浦郡、交趾郡、九真郡同埋日南郡。

未立交州之前交阯刺史治喺羸𨻻縣，元封五年（公元前106年）搬到蒼梧廣信縣。建安八年立州都喺廣信縣，建安十五年（210年），孫權派兵入主交州，移州治到番禺縣。

吳國

吳國黃武五年（226年），拆咗南海、蒼梧、鬱林三郡出來，另立廣州。交州淨返交阯、日南、九真、合浦四郡。之不過，無耐又併返入交州。赤烏五年，置返珠崖郡。到咗永安七年，三郡又劃返做廣州。孫皓做皇帝時，交州立多三郡，即係新昌、武平同九德。

蜀國

蜀國任李恢做建寧太守，領埋交州刺史。

大晉

大晉平蜀，用蜀國建寧太守霍弋領交州。平吳後，將珠崖郡撥入合浦。