佛山祖廟

佛山祖廟
佛山祖廟
	中華人民共和國; 全國重點文物保護單位
喺邊	中華人民共和國佛山
座標	23°01′53″N 113°06′30″E / 23.03139°N 113.10833°E
類	古建築
時代	大明、大清
冧	4-152
登錄	1996年12月25號
地圖

佛山祖廟（粵拼：fat6 saan1 zou2 miu6）係中國佛山嘅一座供奉道教玄天大帝（中文：玄天大帝）嘅神廟，喺禪城區祖廟路21號嘅佛山市博物館入面，成個佛山嘅祖廟建築群係由祖廟、孔廟、碑廊、陳列館同埋園林組成，同黃飛鴻紀念館相通，佔地面積18600平方米，而家係全國重點文物保護單位、廣東省文明旅遊區示範點同埋佛山市愛國主義教育基地。

祖廟嘅歷史可以追溯到北宋元豐年間（1078年-1085年），佢歷經咗廿幾次嘅重建同擴建，而家留低嘅主要有萬福台、靈應牌坊、錦香池、鐘鼓樓、三門、前殿、正殿、慶真樓等明清時期嘅建築，好有典型嘅嶺南建築風格。

佛山祖廟嘅萬福台，係廣東度留存嘅最古老兼完整嘅戲臺。祖廟原用嘅神功戲台都係竹棚，但係經唔起風雨火燭，嗰時啲商人後尾就倡議共同捐資，喺靈應祠前搭建返一個固定嘅戲臺。據道光版《佛山忠義鄉志》記載：「（順治）十五年（1658年）戊戌建華封戲台，在靈應祠前。」華封台到咗康熙二十三年（1685年）就改名做萬福台，亦係佛山最早嘅固定戲臺^[1]。