科幻文學

科學幻想文學，簡稱科幻文學，係指科幻性質嘅文學。雖然由科幻史嘅角度嚟睇，暫時重未有一個得到所有研究者公認嘅定義標準。一啲可供參考嘅例子有：「科幻小說係描述科學或想像中嘅科學對人類影響嘅小說」、「科幻小說係描繪對象處於未知範疇中嘅小說」。以上定義雖然角度唔同，但科幻小說嘅定義總係反覆出現一啲詞，好似「幻想」、「未來」、「科技」、「人類」、「變化」等。由呢啲關鍵詞可以睇到，科幻小說所涉及嘅範疇總係同人類嘅好奇心、求知慾緊密相連。

科幻小說喺19世紀已經有出名嘅實驗性作品，反映嗰時科學發展對社會同個人造成嘅衝擊所帶來日益強烈嘅矛盾心態。科幻小說嘅種類包括以或真或假嘅想像情節作為主要元素嘅小說，以及以社會未來概念為題材，透過已知嘅科學原理推論作為情節合理化同埋推展方向基礎嘅小說。