2003年
| 世紀： | 20世紀 21世紀 22世紀 |
| 年代： | 1970年代 1980年代 1990年代 2000年代 2010年代 2020年代 2030年代 |
| 年： | 1998年 1999年 2000年 2001年 2002年 2003年 2004年 2005年 2006年 2007年 2008年 |
| 干支年： | 1月1號到1月31號係壬午年（馬年） 2月1號開始係癸未年（羊年） |
| 年號： | 民國九十二年 |
其他紀年
[編輯]- 中國
- 中華民國：民國九十二年
- 朝鮮半島
- 北朝鮮：主體九十二年
- 日本
- 平成十五年
- 皇紀：2663年
- 佛曆：2545年~2546年
- 回曆：5763年4月27號~5764年4月6號
- 猶太曆：1423年10月27號~1424年11月7號
- UNIX時間：1041379200 - 1072915199
- 修正儒略日（MJD）：52640 - 53004
大件事
[編輯]- 1月19號：世界文化遺產武當山古建築羣重要組成部份遇真宮主殿火燭，最有價值嘅主殿燒晒。
- 1月24號：美國國土安全部開始運作，個部門嘅成立係繼美國國防部成立以來美國政府50幾年最大嘅重組。Tom Ridge成為首任部長。
- 1月26號：中華航空嘅客機喺上海浦東國際機場降落，接載包機嘅臺商同埋親屬返臺灣，成為54年來臺灣客機首次合法降落中國大陸。
- 1月27號：連接香港落馬洲到深圳嘅皇崗口岸實現二十四小時全日通關。
- 1月30號：比利時承認同性婚姻。
- 2月1號：美國哥倫比亞號穿梭機响執行第28次飛行任務之後，回程時喺大氣層解體，7名太空人死。
- 2月4號：南斯拉夫聯盟共和國改名做塞爾維亞黑山。
- 2月5號：美國國務卿鮑威爾喺聯合國安理會話伊拉克收埋大殺傷力武器，又同阿蓋達有聯繫，爭取聯合國授權出兵，但係美國喺入侵伊拉克之後喺伊拉克境內搵唔到大殺傷力武器。而當日鮑威爾提交嘅報告之後證實有啲內容失實。
- 2月11號：中國廣東爆發非典型肺炎，之後蔓延至香港以至海外。
- 2月18號：南韓大邱地鐵發生縱火案，近200人死。
- 2月24號：中國新疆伽師、巴楚兩縣發生黎克特制6.8級地震，261死。
- 2月25號：盧武鉉上任大韓民國總統。
- 3月5號：第19屆敘利亞議會選舉。
- 3月6號：香港美孚新邨一間銀行發生人肉炸彈案。
- 3月7號：阿巴斯出任巴勒斯坦自治政府總理。
- 3月15號：胡錦濤當選中華人民共和國主席；江澤民繼續出任中華人民共和國中央軍事委員會主席；吳邦國當選十屆全國人大常委會委員長。
- 3月16號：溫家寶喺第十屆中華人民共和國全國人民代表大會第一次會議上接替朱鎔基做中華人民共和國國務院總理。
- 3月20號：美國總統喬治·獲加·布殊向伊拉克總統薩達姆侯賽因發出，要佢同佢嘅仔喺48個鐘頭之內流亡國外嘅最後通牒到期。多國部隊對伊拉克開戰，伊拉克戰爭開始。
- 3月29號：香港特區政府推行沙士防疫措施。
- 4月1號：沙士喺香港繼續肆虐，當局夜晚緊急將淘大花園E座居民咸不剌搬到去西貢同柴灣嘅渡假村。
- 4月2號：因應香港同中國廣東嘅沙士個案持續增加，世界衞生組織向爾兩處發出旅遊警告。
- 4月7號：美軍攻入伊拉克首都巴格達。
- 4月9號：伊拉克薩達姆侯賽因政權完咗。
- 4月9號：泛歐洲遊戲信息組織成立。
- 4月11號：香港感染沙士人數過千。
- 4月14號：中共中央總書記、國家主席胡錦濤到廣東疾病預防控制中心視察沙士防治工作，而佢响兩日之前响深圳聽取香港特別行政區行政長官董建華匯報香港疫情最新情況。
- 4月19號：喺沙士疫症之下，香港政府同多個團體發起抗炎大行動。
- 4月20號：中華人民共和國衞生部公佈中國內地感染沙士嘅人增加到超過1800人，79人死。其中北京嘅感染個案大幅升到三百幾宗，18人死。衛生部官員承認防疫體系薄弱。
- 4月29號：2003年卡塔爾憲法公投。
- 5月1號：美國總統喬治·獲加·布殊喺美軍航空母艦林肯號宣佈美軍响伊拉克主要戰事結束，已經贏咗。不過當地嘅局勢仍然動盪。
- 5月2號：新華社報道中國人民解放軍海軍北海艦隊一艘常規動力潛艇，喺內長山以東嘅中國海域訓練嘅時候出事，潛艇上70個官兵死晒。但係報導並冇講明事發嘅確實日期同經過。中央軍事委員會主席江澤民同副主席胡錦濤之後到出事嘅潛艇指揮善後。
- 5月5號：三峽至華東電網嘅輸電線路開始運行，起訖點由湖北宜昌至江蘇常州。
- 5月21號：阿爾及利亞米爾達斯市地震，七百幾人死，五千幾人傷，大量建築物倒冧，好多人活埋。
- 5月23號：因為香港同廣東嘅沙士疫情開始受到控制，世界衞生組織決定解除對香港同廣東嘅旅遊警告。
- 5月31號：法國航空AF001號班機從紐約返到巴黎降落戴高樂機場，法航嘅和諧客機正式停止商業營運。
- 6月1號：中國三峽大壩閂閘儲水。
- 6月6號：日本國會通過戰時法制法案，擴大首相同自衛隊處理緊急情況嘅權力。
- 6月20號：維基媒體基金會成立。
- 6月23號：世界衞生組織宣佈將香港喺沙士疫區名單除名，世衛讚香港嘅防疫措施。
- 6月24號：經過三個幾月沙士之後，世界衞生組織同中華人民共和國衞生部喺北京舉行記者會，世衛取銷北京嘅旅遊警告同埋喺疫區名單除名。
- 6月29號：中華人民共和國商務部副部長安民同香港特別行政區財政司司長梁錦松喺香港簽《內地與香港關於建立更緊密經貿關係的安排》（CEPA），總理溫家寶出席簽署儀式。
- 7月1號：臺灣客家電視台開播。
- 7月1號：50萬人喺香港參加由民間人權陣線搞嘅七一遊行。
- 7月10號：香港2003年屯門公路雙層巴士失事，21死20傷，成為香港史上最多人死嘅車禍。
- 7月10號：維基書本、維基語錄同維基物種開放。
- 7月16號：香港特別行政區財政司司長梁錦松同保安局局長葉劉淑儀辭職。
- 7月20號：抹香鯨擱淺西貢大灣。
- 7月21號：李鍾郁成為世界衞生組織總幹事。
- 7月22號：伊拉克前總統薩達姆侯賽因嘅兩個仔烏代同庫賽喺摩蘇爾俾美軍開槍打死。
- 8月3號：第11屆朝鮮最高人民會議選舉同第18屆朝鮮地方選舉。
- 8月3號：2008年夏季奧林匹克運動會嘅會徽發佈。會徽由成龍同埋鄧亞萍共同捧出。
- 8月5號：中國人工繁殖首隻大熊貓，冇死到。
- 8月5號：唐英年上任做香港特別行政區財政司司長。
- 8月27號：60000幾年嚟地球同火星最接近嘅一次，距離55,758,006公里。
- 8月31號：臺灣蘆洲大囍市社區火燭，16死68傷。
- 9月10號：瑞典外相Anna Lindh喺斯德哥爾摩遇刺，第二日死咗。
- 9月14號：愛沙尼亞公決，決定加入歐洲聯盟。
- 9月14號：瑞典全民公決，決定唔用歐羅。
- 9月24號：日本嘅民主黨同自由黨合併。
- 10月12號：秦瀋客運專線通車，係中國首條高速鐵路。
- 10月15號：中國太空船神舟五號載住太空人楊利偉喺酒泉衛星發射中心發射升空，係中國太空計劃嘅頭一次載人太空任務。
- 10月17號：臺灣台北101塔頂完工，超越馬來西亞吉隆坡嘅雙子塔成為當時世界上最高嘅摩天大廈。
- 10月24號：和諧客機最後一次商業飛行，超音速商業客機時代完咗（至少喺一段時間之內）。
- 10月31號：馬來西亞首相馬哈迪退休。
- 11月3號：中國湖南衡陽衡州大廈火燭，20名武警消防官兵殉職。
- 11月4號：喺美國民主黨籍聯邦眾議員藍托斯要求下，中華民國總統陳水扁喺紐約接受國際人權聯盟獎章時發表談話，列入咗美國國會記錄。
- 11月9號：第43屆日本眾議院議員總選舉。
- 11月14號：天文學者 Michael E. Brown、Chad Trujillo、 David L. Rabinowitz 發現外冥王星物體 （trans-Neptunian object） 90377 Sedna。
- 11月21號：格魯吉亞新一屆議會啱啱開始開會時，示威者衝入議會，總統謝瓦爾德納澤喺保鑣保護下逃離議會。謝瓦爾德納澤宣佈進入緊急狀態。兩日後謝瓦爾德納澤宣佈辭職。是為「玫瑰革命」。
- 12月13號：伊拉克戰爭，美軍喺提克里特生擒伊拉克前總統薩達姆侯賽因。
- 12月16號：香港地鐵南昌站啟用。
- 12月20號：香港嘅九廣西鐵（家下港鐵西鐵綫）通車。
- 12月23號：中國石油喺重慶開縣嘅氣田爆炸，超過二千人硫化氫中毒，243死。
- 12月24號：季炳雄被捕。
- 12月26號：2003年巴姆地震，最少26271死，22628傷。
- 12月28號：中國中央電視台少兒頻道（CCTV-14）啟播。
響呢年出世嘅人
[編輯]- 1月3號：通貝里，瑞典環保分子
- 2月5號：Koki,，日本模特兒同作曲家，原名木村光希
- 5月23號：大迫蒼人，日本足球員
- 6月2號：陳子樂，香港童星
- 7月6號：森田翔，日本足球員
- 7月21號：野澤零温，日本足球員
- 8月10號：譚真一，香港童星
- 8月12號：河野孝汰，日本足球員
- 8月14號：安田虎士朗，日本足球員
- 8月22號：中村仁郎，日本足球員
- 馮得如，香港網球員
響呢年死嘅人
[編輯]内文：2003年死
