مالاريا
| ||||
|---|---|---|---|---|
 | ||||
 | ||||
| معلومات عامه | ||||
| اختصاص طبى | امراض معديه ، وباراسيتولوجيا | |||
| الاسباب | ||||
| الاسباب | متصوره منجليه [1]، ومتصوره نشيطه [1]، ومتصوره وباليه [1]، ومتصوره بيضيه [1]، ومتصوره نولسيه | |||
| طريقة انتقال العامل المسبب للمرض | عن طريق الناموس [2] | |||
| المظهر السريرى | ||||
| الاعراض | انيميا ، وحمى | |||
| الاداره | ||||
| ادويه | ||||
| الوبائيات | ||||
| اعباء المرض | ||||
| التاريخ | ||||
| المكتشف | رونالد روس ، وشارل لافران | |||
تعديل  |
||||
المالاريا (Malaria) هوه مرض يصيب الانسان لما يقرص من نامس اسمها انوفيليس فاروينسيس اللى ينقل العدوى (النامس الانثى اما النامس الذكر لا ينقل المرض ) و ينتقل المرض من 4 انواع من الطفيليات وحيدة الخليه اللى تسبب المالاريا.الطفيليات الاربعه يطلق عليهم طفيليات المالاريا وهما:
- بلازموديوم مالاريا (Plasmodium malariae)
- بلازموديوم اوفالى (Plasmodium ovale)
- بلازموديون فايفاكس (Plasmodium vivax)
- بلازموديوم فالسيباروم (Plasmodium falciparum)
النوعين الاخرانيين (الفايفاكس و الفالسيباروم )هما اخطر الانواع و اكثرهم انتشار .المالاريا وباء منتشر فى المناطق المداريه فى اسيا و امريكا الجنوبيه و افريقا و تقتل ما بين مليون لـ تلاتهة ملايين انسان كل سنه اغلبهم صغار السن و معظهم فى افريقيا.المالاريا مرض ممكن علاجه و الوقايه منه (Curable and Preventable) و المشكله الاكبر اللى تواجة الحكومات و المنظمات الصحيه هوه الفقر الشديد و عدم توافر الدعم المادى للادويه.
التاريخ
[تعديل]كلمة المالاريااتيه من اصل طاليانى (mala aria ) مال يعنى وحش و اريا يعنى هوا و سوا مال-اريا يعنى الهوا الوحش او المش نضيف لان العلما كانو فى الاول فاكرين انها بتتنقل من واحد للتانى لما بتنفس الهواء الوحش.
المرض و الاعراض
[تعديل]الناموسه النتايه اللى اسمها انوفيليس لما بتيجى تقرص واحد مريض بالمالاريا و بتمص دمه بتتعدى منه و بعدها باسبوع لما بييجى معاد الوجيه التانيه بتاعة الناموسه ممكن تروح تقرص واحد سليم و تنقله الطفيل بتاع المالارايا اللى بيتكاثر فى الكبد و بعدين جوه خلايا الدم الحمرا و بتسبب اعراض المالاريا اللى مرتبطه بالانيميا فى حدود 10 - 15 يوم زى الصداع و الترجيع و الدوخه و سرعة ضربات القلب و النهجان. الاعراض المميزه لمريض المالاريا اهمها السخونيه الرعشه و اعراض بتشبه اعراض الاتفلونزا و ساعات بيغمى ع المريض و ممكن فى حالات كتيره تنتهى بالموت لو م اتعالجتش.
الوباء
[تعديل]
المالاريا وباء بيقتل طفل كل 30 ثانيه فى العالم كله و هوه مرض متوطن فى 109 بلد فى العالم فى 4 مناطق اساسيه :
- افريقيا(50 دوله)
- اسيا و الباسيفيكى (20 دوله)
- الامريكتين (22 دوله)
- الشرق الاوسط (17 دوله اخطرهم اليمن و باكيستان و افغانيستان)
المكافحه و الوقايه
[تعديل]لحد دلوقتى ما فيش تطعيم ضد المالاريا و مكافحة المرض بتنصب اساسا على مكافحة الناموس اللى بينقله زى استعمال المبيدات فى البيوت و على وش البحيرات اللى مايتها راكده او بتنشيفها خالص لان الناموسه بتبيض هناك و لو فقس البيض معناه جيل جديد م الناموس ح بطلع و ينشر المرض.من الحاجات البسيطه و اللى ليها دور كبير فى مكافحة المرض هوه استعمال الناموسيات (زى الشبك)و اللى بيمنع الناموس م الوصول للانسان و هوه نايم. الوقايه م المرض بتكون عن طريق اخد ادويه قبل السفر للمناطق الموبوؤه بفتره معينه بتختلف من دوا للتانى.فى اجيال جديده م المالاريا بتقاوم الادويه دى و عشان كدا لازم المسافرين يعرفو كويس اذا كانت الادويه دى فعلا ح تحميهم م الاصابه و لا لأ.
العلاج
[تعديل]على مدى سنين طويله كانت المالاريا بتتعالج بسهوله بـ دوا اسمه كلوروكوين (Chloroquine) و كان سعره الرخيص من اكتر مزاياه.المشكله ابتدت قريب لما لقا العلما ان طفيليات المالارايا (خصوصا الفالسيباروم)ابتدت تطور مناعه ضد الدوا دا و ما بقتش تتأثر بيه. شويه شويه طلعت شركات الادويه علاجات جديده للمالاريا و ساعات بيستخدموها فى الوقايه م المرض بس المشكله فى سعرها الغالى و خصوصا على الدول الفقيره فى افريقيا و اسيا و اللى سكانها العيانين ما يقدروش يشترو الادويه الجديده دى. العلاجات المتوافره دلوقتى ضد المالاريا هيا:[3]
- اتوفاكون-بروجوانيل، الاسم التجارى: مالارون (الوقايه و العلاج)
- كوينين (العلاج بس)
- كلوروكوين (الوقايه و العلاج، ما بقوش يستعملوه كتير عشان المقاومه)
- كوتريفازيد (الوقايه و العلاج)
- دوكسيسايكلين (الوقايه و العلاج)
- ميفلوكوين، الاسم التجارى: لاريام (الوقايه و العلاج)
- بريماكوين (علاج ب.فايفاكس و ب. اوفالى بس ، ما بيستعملوهوش فى الوقايه)
- بروجوانيل (وقايه بس)
- سالفادوكسين-بايريميثامين (علاج ، الوقايه للستات الحوامل فى المناطق الموبوءه )
- هيدروكسيكلوروكوين، الاسم التجارى بلاكوينيل (علاج و قايه)
- ارتيميسينين ( artemisinin)
مصادر
[تعديل]- ↑ Medical Subject Headings — المؤلف: المكتبه الوطنيه لعلم الطب
- ↑ الرخصة: رخصة المشاع الإبداعي المُلزِمة بالنسب لمؤلِّف العمل
- ↑ Prescription drugs for malaria Retrieved February 27, 2007.
لينكات برانيه
[تعديل]شوف كمان
[تعديل]- اليوم العالمى للمالاريا حددته منظمة الصحه العالميه فى يوم 25 ابريل من كل سنه
