Holland

	Woispruch: Je Maintiendrei (franz.), „I bleib do“
Amtssprache	Niedaländisch und Friesisch (Friesland (Provinz))
Hauptstadt	Amsterdam
Regierungssitz	Den Haag
Staatsoberhaupt	Kini Willem-Alexander
Regierungschef	Mark Rutte
Fläche	41.548 km²
Einwohnerzahl	16.900.726 (2015)
Bevölkerungsdichte	408 Einwohner pro km²
Währung	Euro
Unabhängigkeit	Proklamation am 2. Juli 1581, 1648 oneakannt (Westfälischa Friedn)
Nationalhymne	Het Wilhelmus;
Zeitzone	MEZ (UTC+1); MESZ (Meaz bis Oktoba) (UTC+2)
Kfz-Kennzeichen	NL
Internet-TLD	.nl
Telefonvorwahl	+31

Niedalande (niedaländisch: Nederland) is a parlamentarische Monarchie und a Tei vom Kinireich vo Niedaland im neadlichn Westeiropa. Des Land grenzt im Noadn und Westn an de Nordsee, im Sidn an Bejgien und im Ostn an Deitschland. Zamma mit Bejgien und Luxnbuag buid Niederlande de Beneluxstooten.

Holland is de traditionelle Bezeichnung

Holland is de traditionelle boarische Bezeichnung fian Stoot und wead aa in vui ondan Sprochn (z. B. dänisch, poinisch, estnisch) scho seitm 16. Joarhundat vawendt, obwoi Holland aa de Bezeichnung vo oana Region in am Staat is.

Holland wead sogor teiweis ois Sejbstbezeichnung in Holland vawend und ned nua im Fuassboi (beispuisweis im Schlochtruaf "Hup Holland Hup"). Sowoi de holländische Tourismusindustrie ois aa de iwrige Wiatschoft vamoaktet des Lond praktisch nua ois Holland.

Gschicht

Untam Karl V., am Kaisa vom Heiligen Remischen Reich Deitscha Nation und spanischm Kini, wor de Region Tei vo de siebzehn Provinzn vo Holland, wozua aa a Groaßtei vom heitign Bejgien gheat hot. Nachm Erreicha vo da formejn Unabhängigkeit vo Spanien im Joar 1648 san de Hollenda, ois Republik vo de Siem Vaeinigten Niedalandn, zua oana vo de gresstn See- und Wiatschoftsmächtt vom 17. Joarhundat worn. Wearend dera Zeit san Kolonien und Handlspostn auf da ganzn Wejd earicht worn.

Nachdem dam Napoleon des Land kuazfristi beheascht hos, is 1815 des vaeinte Kinireich vo Niadaland entstandn, zua dem aa Bejgien und Luxmburg gheat ham; oi zwoa san spada unabhängig worn.

Des Land is im Easchtn Wejdkriag neutral bliem, im Zwoatn Wejdkriag is' im Mai 1940 vo Deitschland bsetzt und eascht 1945 wieda befreit worn. Nach'm Kriag hod si de Wiatschaft schnej wieda dahoit. Holland wor Grindungsmitglied vo da Benelux-Wiatschaftsunion und aa vo da NATO und da Eiropäischn Wirtschoftsgmoaschaft (und damit aa vo da Eiropäischn Union).

Eadkunde

Ummara de Hejftn vom Land san weniga ois oan Meta iwa, oanige sogar untahoib am Meeresspiegel. Da hechste Punkt vom Land, da Vaalserberg im Siidostn, is 321 m hoach. De flachn Gebiete wern durch Deichn vor Stuamflutn gschützt. Teile vo Holland, zum Beispui fast de ganze Provinz Flevoland, wern durch kinstliche Landgewinnung dahoitn, de Gebiete wern Polder gnennt.

De wichtigstn Fliss san Rhein, Waal und Maas.

As Klima is gmäßigt maritim mit kuin Summan und muidn Wintan.

Provinzn

Holland gliedat si in 12 Provinzn:

Provinzn (nl.: provincies):

Drenthe südlich vo Groningen
Friesland im Noadn
Groningen
Flevoland am IJsselmeer
Gelderland in da Mittn vom Land, sidli vo Overijssel
Limburg an da Grenz zu Bejgien
Noadholland (Noord-Holland) im Noadwestn
Nordbrabant (Noord-Brabant)
Overijssel siidli vo Drenthe
Siidholland (Zuid-Holland) siidli vo Noadholland
Utrecht
Zeeland

De Provinzn gliedan si in 342 Gmoana (gemeenten) (2023).

Dazua kema no de Iwaseegebiete Niadaländische Antilln und Aruba in da Karibik.

Politik

Sitzvateilung noch de Woihn im Joah 2010
PvdD, Partij voor de Dieren (2 Sitze)

D66, Democraten 66 (10 Sitze)

GL, GroenLinks (10 Sitze)

SP, Socialistische Partij (15 Sitze)

PvdA, Partij van de Arbeid (30 Sitze)

CU, ChristenUnie (5 Sitze)

CDA, Christen-Democratisch Appèl (21 Sitze)

VVD, Volkspartij voor Vrijheid en Democratie (31 Sitze)

SGP, Staatkundig Gereformeerde Partij (2 Sitze)

PVV, Partij voor de Vrijheid (24 Sitze)

Holland is a parlamentarische Monarchie. Das Staatsobahaupt is afgrund da Vafossung de Kinigin, zua Zeit Kinigin Beatrix. Offiziell eanennt se an Ministapresidentn und de Minista, zamma formen se de Regiarung.

Des Parlament (Staten Generaal) besteht aus zwoa Kamman, am Untahaus (Tweede Kamer, Zwoate Kamma) und da Senat (Eerste Kamer, Easchte Kamma).

Wirtschafd

Holland hod a guat funktionierends, offans Wiatschafdssystem. Seitn 1980a Joarn betreim de Regierungen an wiatschafdsliberalen Kurs. In da Industrie gibts Nahrungsmittel- und chemische Industrie, Erdejraffinierien und de Herstellung vo Elektrogerätn. De moderne und hoach technologisiate Landwirtschafd beschäftigt grad 4% vo de Arbata, tragt aba net schlecht zum Export bei. Holland is nach de USA und Frankreich da wejdweit drittgresste Exporteur vo landwirtschafdliche Erzeugnisse. Holland is Mitbegrinda vo da Euro-Zone.

Bodnschätze

Z Holland gibts gressare Eadgasloga. Ba Groningen und in da sidlichn Noadsee wead intensiv gfeadat. Holland belegt Plotz fimf in da wejdweitn Eadgasfeadarung. An da emsländischn Grenz gibts aa a weng Eadej.

Staatsausgom

Zwischn 1992 und 2005 wor da Ontei vo de Staatsausgom so vateit:

Gesundheitssystem ba 31 %
Buidungswesn ba 17 %
Militär ba 2,7 %

Bevejkarung

Holland mit mea ois 400 Eihwohna pro Quadratkilometa oans vo de am dichtestn besiedlten Lända vo dera Wejd.

Es gibt zwoa Amtssprachn, Niadaländisch und Friesisch (nua in da Provinz Friesland im Norden). Danem wean im Norden aa Niadasächsische Dialekte gred.

De wichtigstn Religionen san da Katholizismus (18% im Joar 1999) und da Protestantismus (15%). 63% vo de Hollända san in koana Religionsgemeinschaft.

Af Holland san Menschn aus da gonzn Wejd eigwandat.

De Bevejkarung in Holland mit ausländischa Heakumft (2007)^[1]:

Staat, Territorium	Ozoi	Prozent
Holland	13.187.586	80,6%
Westliche Staatn^[2]	1.431.954	8,8
Indonesien	389.940
Deitschland	381.186
Belgien	112.224
ehemoligs Jugoslawien	76.465
Vaeinigts Kinireich	75.686
Polen	51.339
ehemolige Sowjetunion	47.450
Italien	36.495
Frankreich	33.845
USA	31.154
iwrige westliche Staatn	196.170
Ned-westliche Staatn	1.738.452	10,6
Surinam	333.504
Marokko	329.493
Tiakei	309.000
Niederländische Antillen und Aruba	129.965
China	45.298
Irak	43.891
Afghanistan	37.230
Iran	28.969
iwrige ned-westliche Staatn	421.502

Kuitua

Feiadog

In Holland gibts gor koan Nationalfeiadog, dafia an Kiniginnendog. Im Vagleich zu oin ondan eiropäischn Ländan is da 1. Mai koa Feiadog.

Datum	Nam	Boarischa Nam	Omeakunga
01. Jenna	Nieuwjaar(sdag)	Neijoar
Freidog voa Ostan	Goede Vrijdag	Korfreidog	fia mange a freia Dog
Easchda Sonndog und Mondog nachm easchtn Frühlingsvoimond	Pasen	Ostan	Ostasonndog und Ostamondog
27. Aprui	Koningsdag	Dog vom Kini	Gebuatsdog vom Kini Willem Alexander
04. Mai	Dodenherdenking	Dodngedenkdog	Gedenkdog an de Kriagsdodn (koa freia Dog)
05. Mai	Bevrijdingsdag	Befreiungsdog	Gedenkn on de Befreiung im Zwoaten Wejdkriag (koa freia Dog)
39 Dog noch Ostasunda	Hemelvaartsdag	Kristi Himmefoart
49 Dog nach Ostasunda	Pinksteren	Pfingstn	Pfingstsunda und Pfingstmonda
05. Dezemba	Sinterklaasavond oda Pakjesavond	Nikolausabend	(koa freia Dog) stott Weihnochtn da Dog, wo de Kinda beschenkt wean
25. und 26. Dezemba	Kerstmis	Weihnochtn	1. und 2. Weihnochtsfeiadog
31. Dezemba	Oudjaar, Oudejaarsdag oda Oud en Nieuw (Oid und Nei)	Silvester	(koa freia Dog)

Vui wejdberihmte Mola worn NiadaHollända. Des 17. Joarhundat, de Hochzeit vo da Republik, hod groaße Kinstla wia an Rembrandt van Rijn, an Johannes Vermeer oda an Jan Steen hervorbrocht. Aa spada worn Mola wia da Vincent van Gogh und da Piet Mondriaan wejdberihmt. M. C. Escher is a bekannta Grafika. Aus Holland stamman aa da Erasmus vo Rotterdam und da Baruch Spinoza, aa da Rene Descartes hod do glebt. Aus'm "Goldna Zeitoita" (De Gouden Eeuw) warn de Schriftstella Joost van den Vondel und P. C. Hooft zum nenna. Wichtige Autorn im 20. Joarhundat worn da Harry Mulisch, da Jan Wolkers und da Simon Vestdijk.

Natua-Sengswiadigkeitn

De Hollandse Biesbosch, a Fluss- und Sumpflandschoft
Keukenhof
de Nationalparks Hoge Veluwe und Veluwezoom in da Veluwe
de Natuaschutzgebiete auf Texel
Reeuwijkse Plassen bei Gouda
Schiermonnikoog
De Deltaweake Schutzweare gegn Starmflutn. Baut noch da Stuamflut vo 1953
Da Nationalpark De Meinweg bei Roermond in da Provinz Limburg

Beleg

↑ Ois zu oana ausländischn Heakumftsgruppn ghearig wead jede Person gzejt, wo sejm oda wo mindastns a Ejtantei ned z Holland geborn worn is. Quejn: Zentralamt für Statistik, 2007.
↑ Alle eiropäischen, nordamerikanischen und ozeanischen Staaten, auch Japan und Indonesien. Die meisten Einwohner indonesischer Herkunft sind Weiße oda Mischlinge und ihre Nachkommen. Diese Gruppe wurde Ende der vierziger, Anfang der fünfziger Jahren wegen der Unabhängigkeit Indonesiens in de Niederlande „repatriiad“, obwohl viele noch nie in Europa gewesen waren.

Im Netz

Commons: Niederlande – Sammlung vo Buidl, Videos und Audiodateien

Netzpräsenz vo da Regierung vo Holland(englisch)
Netzpräsenz vom Niedaländischen Kenigshaus
NiedalondeNet.de: Gressts Informationsportei iwa Holland und de deitsch-holländischn Beziahunga, in deitscha Sproch
Länderprofil@1@2Vorlage:Toter Link/www.destatis.de (Seite nicht mehr abrufbar; Suche in Webarchiven) vom Statistischn Bundesamt
CIA Factbook - Netherlands Länderinformationen vo da CIA (englisch)

Stootn in Eiropa

¹ Liegt zan gresstn Tei in Asien. ² Hod aa Gebiete aussahoib vo Eiropa.

Mitgliedsstootn vo da Eiropäischn Union

Mitgliedstootn vo da OECD

Koordinaten fehlen! Hilf mit. ...

[1] Ois zu oana ausländischn Heakumftsgruppn ghearig wead jede Person gzejt, wo sejm oda wo mindastns a Ejtantei ned z Holland geborn worn is. Quejn: Zentralamt für Statistik, 2007.

[2] Alle eiropäischen, nordamerikanischen und ozeanischen Staaten, auch Japan und Indonesien. Die meisten Einwohner indonesischer Herkunft sind Weiße oda Mischlinge und ihre Nachkommen. Diese Gruppe wurde Ende der vierziger, Anfang der fünfziger Jahren wegen der Unabhängigkeit Indonesiens in de Niederlande „repatriiad“, obwohl viele noch nie in Europa gewesen waren.

[1]

[2]