Zhejiang

Zhejiang (浙江省); Zhèjiāng Shěng
	Txinako Herri Errepublika
Administrazioa
Estatua	Txina
Izen ofiziala	浙江省
ISO 3166-2	CN-ZJ
Hiriburua	Hangzhou
Gobernuburua	Yuan Jiajun (en)
Zatiketa	ikusi Hangzhou, Ningbo, Wenzhou, Shaoxing, Huzhou, Jiaxing, Jinhua, Quzhou, Taizhou, Zhoushan, Lishui, Q9664933 , Q10132453 , Q10514872 , Q15936547 , Wenzhou (en) , Taizhou (en) , Q17028054 , Q15925404 , Q17028045 , Q17038469 eta Q10497611 ;
Geografia
Koordenatuak	30°18′N 120°12′E / 30.3°N 120.2°E
Azalera	101,800 km²
Mugakideak	Shanghai, Jiangsu, Anhui, Jiangxi eta Fujian
Punturik altuena	Huangmaojian Peak (en)
Demografia
Biztanleria	54.426.891 (2010); 45.930.651 (2000); 41.445.930 (1990); 38.884.603 (1982); 28.318.573 (1964); 22.865.747 (1953); 19.959.000 (1947); 21.231.000 (1937); 20.643.000 (1928); 21.440.000 (1912); 64.567.588 (2020); Adierazpen errorea: Ustekabeko < eragileaAdierazpen errorea: Hitz ezezaguna "br" (2010)
Dentsitatea	464 bizt/km²
Informazio gehigarria
Gobernadorea	Lu Zushan
Etniak	Han %99,2; She %0,3; Besteak %0,5
Ordu eremua	UTC+08:00
	www.zhejiang.gov.cn

Zhejiang (浙江 txinera sinplifikatuz), Txinako Herri Errepublikako probintzia baten izena da. Probintziak 101.800 kilometro koadroko azalera dauka eta 2004ko erroldaren arabera 47.200.000 biztanle bizi ziren bertan.

Inguru naturala eta kokapena

Hangzhou hiria Mendebaldeko lakutik ikusia.

Zhejiang probintziaren mugakideak honakoak dira: Itsaso Horia ekialdean, Shanghai udaltasuna eta Jiangsu probintzia iparraldean, Anhui probintzia ipar-mendebaldean, Jiangxi probintzia mendebaldean, eta Fujian probintzia hegoaldean.

Probintzia honetan aurkitzen dira artifizialki landatuak izan ez diren ginkgo zuhaitz taldeak, Tian Mu Shan naturgunean.

Probintziako hiriburu eta hiririk handiena Hangzhou da.

Geografia

Zhejiang gehiena altuera txikiko lautada eta mendixkek osatzen dute (probintziako azaleraren %70 inguru). Batez-besteko garaiera altuagoa da zenbat eta hegoaldera eta mendebalderago joan, eta probintziako mendirik garaiena 1.921 metroko Huangyajian mendia da. Zhejiango mendikate garrantzitsuenak, Yandang mendiak, Tianmu mendiak, Tiantai mendiak eta Mogan mendiak dira. Mendikate guzti hauetako mendi gehienak 200 eta 1000 metro arteko mendiak dauzkate.

Gunerik lauenak kostaldean eta ibaien ondoan daude. Zhejiang iparraldea esaterako Yangtze ibaiaren iraganbidea denez, historikoki probintziako gunerik oparoena izan da. Bertan daude Hangzhou, Jiaxing eta Huzhou bezalako hiriak, eta bertatik igarotzen da Txinako Ubide Handia. Beste gune lau nagusi bat Qujiang ibaiak zeharkaturiko lurrek osaturikoa da Quzhou eta Jinhua hirietan. Zhejiango ibai nagusienak honakoak dira: Qiantang ibaia eta Qujiang ibaia. Kostaldean hiru mila uhartetik gora daude, handiena Zhousan uhartea da, Hainan eta Chongming uhartearen atzetik, Txinako hirugarren uharterik handiena.

Hangzhou badia Zhejiang ipar-ekialdean, Shanghai udaltasunarekiko mugan dago eta 2007an Hangzhou eta Shanghai elkartzeko Hangzhou badiako zubia eraiki zen bertan.

Klima

Zhejiangek klima azpitropikal hezea dauka lau urtaro desberdinekin. Udaberria martxoan hasten da eta eguraldi aldakor eta euritsua egon ohi da. Uda, ekainetik irailera bitartean luzea, beroa eta hezea izaten da. Udazken lehor eta epel baten ondoren, neguan hotz egiten du (zenbat eta hegoalderago dena den, klima epelduz joaten da). Urtarrileko batez besteko tenperatura 2 eta 8 gradu artekoa, eta uztailekoa 27 eta 30 gradu bitartekoa izaten da.

Prezipitazioak ugariak izaten dira (batez ere maiatzetik aurrera), eta urtero 1.000 eta 1.900 litro jausi daitezke. Zhejiang probintzia Ozeano Barean sortutako tifoien mehatxupean dago.

Banaketa administratiboa

#	Izena	Txinera sinplifikatuz	Pinyineraz	Mota

1	Hangzhou	杭州市	Hángzhōu Shì	Azpiprobintzia mailako hiria
2	Ningbo	宁波	Níngbō Shì	Azpiprobintzia mailako hiria
3	Huzhou	湖州市	Húzhōu Shì Shì	Prefektura mailako hiria
4	Jiaxing	嘉兴市	Jiāxīng Shì Shì	Prefektura mailako hiria
5	Jinhua	金华市	Jīnhuá Shì	Prefektura mailako hiria
6	Lishui	丽水市	Líshuǐ Shì	Prefektura mailako hiria
7	Quzhou	衢州市	Qúzhōu Shì	Prefektura mailako hiria
8	Taizhou	台州市	Tāizhōu Shì	Prefektura mailako hiria
9	Shaoxing	绍兴市	Shàoxīng Shì	Prefektura mailako hiria
10	Wenzhou	温州市	Wēnzhōu Shì	Prefektura mailako hiria
11	Zhoushan	舟山市	Zhōushān Shì	Prefektura mailako hiria

Demografia

Zhejiango biztanleria
1953	1964	1982	1990	1995	2000	2005	2006	2007	2008
22.865.747	28.318.573	38.884.603	41.445.930	43.120.000	46.770.000	48.980.000	49.800.000	50.600.000	51.200.000^[1]

Politika

Zhejiang probintziako gobernadorea Lu Zushan da. Txinako Alderdi Komunistak probintzian duen ordezkaria Zhao Hongzhu da.

Garraioa

Aireportuak

Kokapen Hiria	NAZE	NAGE	Aireportuaren izena
ZHEJIANG
Hangzhou	ZSHC	HGH	Hangzhou Xiaoshan Nazioarteko Aireportua
Huangyan	ZSLQ	HYN	Huangyan Luqiao Aireportua
Ningbo	ZSNB	NGB	Ningbo Lishe Nazioarteko Aireportua
Quzhou	ZSJU	JUZ	Quzhou Aireportua
Wenzhou	ZSWZ	WNZ	Wenzhou Nazioarteko Aireportua
Yiwu	ZSYW	YIW	Yiwu Aireportua
Zhoushan	ZSZS	HSN	Zhoushan Aireportua

Erreferentziak

↑ http://211.138.126.86/gb/zjnew/node3/node6/node9/node69/userobject1ai15617.html^{[Betiko hautsitako esteka]}

Ikus, gainera

Txinaren banaketa administratiboa

Kanpo estekak

(Txineraz) Zhejiango gobernuaren webgunea.

Datuak: Q16967
Multimedia: Zhejiang / Q16967

Artikulu hau Txinako geografiari buruzko zirriborroa da. Wikipedia lagun dezakezu edukia osatuz.

[1] ttp://211.138.126.86/gb/zjnew/node3/node6/node9/node69/userobject1ai15617.html^{[Betiko hautsitako esteka]}

[1]

i e a Txinako Herri Errepublikaren banaketa administratiboa
Probintziak	Anhui \| Fujian \| Gansu \| Guangdong \| Guizhou \| Hainan \| Hebei \| Heilongjiang \| Henan \| Hubei \| Hunan \| Jiangsu \| Jiangxi \| Jilin \| Liaoning \| Qinghai \| Shaanxi \| Shandong \| Shanxi \| Sichuan \| Taiwan (eskatua) \| Yunnan \| Zhejiang
Lurralde autonomoak	Guangxi \| Barne Mongolia \| Ningxia \| Tibet \| Xinjiang
Udaltasunak	Pekin \| Chongqing \| Shanghai \| Tianjin
Lurralde bereziak	Hong Kong \| Macau
Ikus gainera: Taiwanen egoera politikoa