Polinomial
Dalam matematik, polinomial nya ekspresyen matematik ti ngundan indeterminate (dikumbai mega variabel) enggau koefisien, ti semina ngaul operasyen penambah, pengurang, pengelipat enggau eksponensial ngagai kuasa integer ukai negatif, lalu ngembuan penyampau terma ti bebatak asur.[1][2][3][4][5] Chunto polinomial tunggal ti enda tentu x nya x2 − 4x + 7. Chunto enggau tiga iti enda tentu iya nya x3 + 2xyz2 − yz + 1.
Polinomial bisi ayan ba mayuh bengkah bidang matematik enggau sains. Ambika chunto, iya dikena nempa equation polinomial, ti enkod mayuh macham penanggul, ari penanggul leka jaku elemen nyentukka penanggul saintifik ti mar; sida dikena meri definisyen fungsyen polinomial, ti ayan dalam rampa ti berengkah ari asas kimia enggau fizik nyentuk ngagai ekonomi enggau sains sosial; lalu sida dikena dalam kalkulus enggau analisis numerik dikena ngaga anggar fungsyen bukai. Dalam matematik lanjutan, polinomial dikena ngaga gelung polinomial enggau varieti algebra, ti nyadi konsep pusat dalam algebra enggau geometri algebra.