Herta Müller
| Herta Müller | |
|---|---|
 (2012) | |
| Dagiti salaysay | |
| Nayanak | 17 Agosto 1953 Nițchidorf, Kondado ti Timiș, Romania |
| Trabaho | Nobelista, mannaniw |
| Pakipagilian | Aleman |
| Panawen | 1982–agdama |
| Kangrunaan nga ob-obra | Nadirs The Passport The Land of Green Plums Ti Pannakadutok The Hunger Angel |
| Kangrunaan a pammadayaw | Roswitha Medalia iti Pannakaammo (1990) Premio Kleist (1994) Premio Aristeion (1995) Literario a Gunguna ti Internasional IMPAC ti Dublin (1998) Carl-Zuckmayer-Medaille (2002) Gunguna ti Karbengan ti Nagtagitaon ni Franz Werfel (2009) Premio Nobel iti Literatura 2009 Premio Hoffmann von Fallersleben (2010) |
Ni Herta Müller (nayanak idi 17 Agosto 1953) ket maysa nga Aleman-Romano a nobelista, mannaniw, manalaysay ken nagungunaan ti Premio Nobel iti Literatura idi 2009. Isu ket naipasngay idiay Nițchidorf, Kondado ti Timiș idiay Romania, ti patneng a pagsasaona ket Aleman. Manipud idi nasap a a tawtawen ti 1990 isu idin ket kaaduanen a naamammuan iti sangalubongan, ken dagiti obrana ket naipatarusen kadagit ad-adu ngem duapulo a pagsasao.[1]
Ni Müller ket ammo para kadagiti obrana a mangipakpakita ti nagbanagan ti ranggas, kinaulpit ken buteng, a kadawyan nga iti disso iti Komunista a Romania babaen ti nasanayn a namedmed a turay ni Nicolae Ceaușescu. Kaaduan kadagiti obrana ket naibaga iti panirigan ti Aleman a minoridad idiay Romania ken dagitoy pay ket pannakaipakita iti moderno a pakasaritaan dagiti Aleman idiay Banat, ken Transylvania. Ti nadayeg a nabigbigan a nobelana idi 2009 Ti Bisin ti Anghel (Atemschaukel) ket mangiladladawan ti deportasion dagiti Aleman a minoridad ti Romania kadagiti Stalinista a Gulag ti Sobiet idi las-ud ti Sobiet a panagsakop iti Romania para iti panag-usar a kas napilit nga agtrabaho nga Aleman.
Ni Müller ket nakaawaten kadagiti ad-adu ngem duapulo a gunguna, a mairaman ti Premio Kleist (1994), ti Premio Aristeion (1995), ti Literario a Gunguna ti Internasional IMPAC ti Dublin (1998) ken ti Gunguna ti Karbengan ti Nagtagitaon ni Franz Werfel (2009). Idi Oktubre 8 2009, ti Sueko nga Akademia ket nangirangarang nga isu ket nagungunaan ti Premio Nobel iti Literatura , a nangipalplawag akaniana a kas babai "nga, adda iti konsentrasion iti daniw ken ti kinapranko iti prosa, a mangiladawan ti pakailangaan dagiti naawanan".
Dagiti nagibasaran
[urnosen | urnosen ti taudan]- ^ Literaturnobelpreis geht an Herta Müller | Kultur & Leben | Deutsche Welle | 08.10.2009. Dw-world.de. Naala idi 2009-10-26.
Kitaen pay
[urnosen | urnosen ti taudan]Dagiti akinruar a silpo
[urnosen | urnosen ti taudan]
Dagiti midia a mainaig ken ni Herta Müller iti Wikimedia Commons
Dagiti inadaw a sasao a mainaig ken ni Herta Müller iti Wikiquote (iti Ingles)
- Ababa a biograpia ni Herta Müller Naiyarkibo 2006-07-19 iti Wayback Machine