Atolo Midway
Midway esas atolo en Pacifiko, jacanta cirkume 1/3 del aerala disto inter Honolulu e Tokyo, ye 28°12' N e 177°21'W. Lua tota surfaco esas 6,2 km². Ol jacas 269 km este del internaciona dato-lineo. Ol konsistas ek un rifo, du precipua insuli (insulo Sand, kun 4,86 km², ed Estal Insulo, kun 1,35 km²) e mikra insuleti. Geografiale ol esas parto del Havayiana arkipelago, ma politikale ol ne apartenas ad Havayi.
L'atolo divenis famoza pro la batalio di Midway, dum la Duesma mondomilito, kande Usa unesmafoye vinkis Japonia. L'atolo ne havas ennaskinta habitanti. Nur Usana militisti habitas l'atolo, ofte dum kurta periodi, en l'insulo Sand. L'unika permananta habitanti esas uceli, exemple albatrosi. Malgre ke l'insuli esas refujeyo por sovaja vivo, lua uceli esas kontaminata per plombo, qua uzesis en pigmenti di farbi en militarala edifici. En septembro 2010, Usana guvernerio anuncis programo por eliminar ta kontaminado.
| Landi e teritorii en Oceania |
| Atolo Johnston | Atolo Midway | Australia | Estal Timor| Fidji | Franca Polinezia | Guam | Havayi | Insulo Baker | Insuli Cook | Insulo Howland | Insulo Jarvis | Insulo Wake | Insuli Marshall | Insuli Salomon | Kingman Rifo | Kiribati | Federita Stati di Mikronezia | Nauru | Nova Kaledonia | Nova-Zelando | Niue | Norfolk | Norda Mariani | Palau | Palmyra | Papua-Nova-Guinea | Pitkern | Samoa | Tokelau | Tonga | Tuvalu | Usana Samoa | Vanuatu | Wallis e Futuna |