.nl
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
.nl is 't tópleveldomein vaan Nederland. Dees code woort es ierste ccTLD's (landcode TLD) euvergedrage aon Piet Beertema van 't Centrum veur Wiskunde en Informatica (CWI) in Amsterdam op 25 aprèl 1986. Sinds 31 januari 1996 weure .nl-domeine oetgegeven door SIDN, de Stichting Internet Domeinregistratie Nederland. Sinds 2003 kinne ouch particuliere 'n domein registrere. 't Domein is zier populair in Nederland: in jannewarie 2011 goaf 't ruim 4,2 miljoen .nl-domeinnaome. 't Is daomèt 't ein vaan de populairste land-domeinnaome in de wereld.