Houthulst

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Houthulst mèt deilgemeintes en aongrenzende (deil)gemeintes (zuug de hoofteks veur 'n verklaoring).

Houthulst (Wes-Vlaams: 'Oet'ulst) is e dörp en 'n gemeinte in de Belzje provincie Wes-Vlaandere, arrondissemint Diksmuide. De gemeinte heet 'n oppervlak vaan 55,89 km² en had op 1 januari 2008 9.307 inwoeners.

Geografie

Deilgemeintes

De gemeinte Houthulst besteit oet veer deilgemeintes. Binne Klerken ligk ouch nog 'ne vijfde kern. De deilgemeinte Houthulst zelf besleit 12,49 km² en heet 3.701 inwoeners.

Aongrenzende (deil)gemeintes

a. Staden (gemeinte Staden), ouch 't gehuch Vijfwegen
b. Poelkapelle (gemeinte Langemark-Poelkapelle)
c. Langemark, parochie Madonna (gemeinte Langemark-Poelkapelle)
d. Bikschote (gemeinte Langemark-Poelkapelle)
e. Noordschote (stad Lo-Reninge)

f. Reninge (stad Lo-Reninge)
g. Nieuwkapelle (stad Diksmuide)
h. Woumen (stad Diksmuide)
i. Esen (stad Diksmuide)
j. Zarren (gemeinte Kortemark)

Natuur

Binne de gemeinte ligke de reste vaan de Vrijbos, wat allewijl 352 bunder groet is. Daovaan is oongeveer 200 bunder in gebruuk bij 't Belsj leger.

Bezeensweerdeghede

In 't dörp vint me oonder aandere de neoromaanse Sint-Jan-d'n-Duiperkèrk. Bij 't dörp ligk 'n Belzje militair begraofplaots.

Historie

Houthulst (Out Hulst in 1096) sloog oersprunkelek op de bove geneumde Vrijbos. Roond dat bos oontstoont lankzaamaon e gehuch, wat in de negentienden iew tot 'n ech dörp oetgreujde, deil vaan de gemeinte Klerken. In d'n Ierste Wereldoorlog laog Houthulst in bezat gebeed; de Duitsers gebruukden 't es opslaagplaots. Bij gevechte in deen oorlog woort de Vrijbos, wat dao nao iewe vaan roje nog vaan euver waor, bekans gans verweus; nao d'n oorlog woorte klein stökker aongeplant. In februari 1926 woort Houthulst vaan Klerken aofgeplits. In de naodaog vaan d'n Twiede Wereldoorlog laog bij Houthulst 'n lanceerbasis vaan V1-rakètte; dees basis woort pas in 2005 oontdèk. In 1971 oondergóng de gemeinte grenscorrecties mèt Staden en Zarren (wat 't gehuch Terrest aofstoont). In 1977 volgde de annexatie vaan Klerken ('n umkiering dus vaan de aw situatie) en Merkem en de opnaome vaan 't kèrkdörp Jonkershoven oet de gemeinte Woumen (die zelf bij Diksmuide woort heringedeild).