Veer
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
- Dit artikel geit euver 't getaal en 't ciefer 4; veur 't jaor, zuuch: 4.
Veer (4) is e ciefer en 't netuurlik getaal det völg op 't getaal drie en veuraafgeit aan vief.
Veer is 't klènste samegestèldj getaal; me kan 't deile door 1 en 2. Wiejer is 't ouch 'n hoogsamegestèldj getaal; det wil zègke det gein inkel leger getaal door aeve väöl of mieë netuurlike getale kan waere gedeildj. 't Volgendj hoogsamegestèldj getaal is zès.
Veer is 't derdje kwadraotgetaal, nao nól en ein. Raekentj me de nól neet toet de netuurlike getale, dan is veer 't twieëdje kwadraotgetaal.
E getal is deilbaar door veer wen de lèste twieë ciefers det ouch zeen. Dit is 't geval wen
- 't lèste ciefer deilbaar is door veer en 't veurlèste deilbaar door twieë, of
- 't lèste ciefer deilbaar is door twieë meh neet door veer, en 't veurlèste neet deilbaar door twieë.
Ciefer
[bewirk | brón bewèrke]
't Teike det inne moderne wèsterse werreld wuuertj gebroek veur 't getaal "4" aan te gaeve geit trögk nao India. Wo de getale klènder es "4" woorte gesjreven es 't aantaal lienkes det me kós tèlle, wirkdje det veur "4" neet. 't Woort vereinveljig door e kruuts te make mitte veer liene, wie 't plusteike: "+". Daonao veugdje me-n 'n horizontaal lienke baoven 't kruuts toe. De Arabiere verangerdje dit in 't oug op efficiëntie nao e sjeif kruuts en tróchte 't horizontaal lienke van 't linkse puntj nao 't bäövelste puntj. De Europeane maakdjen 't teike daonao weer rech (dus neet cursief), wodoor 't weer väöl góng lieken op 't teike det de Indiërs broekdje.
In Japan en Sjina gebroek me-n 't teike "四" veur 't getaal "4".
Trivia
[bewirk | brón bewèrke]- 't Getaal wuuertj in Sjina gezeen es 't óngelöksgetaal, ómdet de oetspraok si4 euvereinkump mit de oetspraok veur 't waord si3, "死", det "doead" beteikentj.