Kamba
Kamba adolah duo katurunan nan dihasiakan dari kahamilan nan samo.[1]
Di Amerika Serikat, tingkek kalahiran anak kamba naiak 76% dari taun 198 80 sampai 2009, dari 9,4 manjadi 16,7 pasangan kamba per 1.000 kalahiran.[2] Sadangkan urang Yaroba punyo tingkek kalahiran kamba nan tinggi, yaitu 45 sampai 50 pasangan kamba dalam 1.000 kalahiran.[3][4][5]. Hal itu kamungkinan dek karano urang di Yaroba banyak dalam mamakan ubi jala nan banyak manganduang fitoestrogen alami nan bisa marangsang ovarium untuk malapehan sel talua di satiok sisi.[6][7]
Kamba identik jo indak identik
[suntiang | suntiang sumber]
Kamba ko ado duo, kamba identik jo kamba indak identik. Kamba identik jo indak identik ditantuan dek jumlah sel talua nan dibuahi dek sel sperma.[8]
Kamba Identik
[suntiang | suntiang sumber]Kamba identik tajadi katiko ciek sperma dibuahi dek ciek sel talua. Sel talua nan dibuahi tu mambalah diri manjadi duo nan kamudian mahasiakan gen jo DNA nan samo. Hal itu manyababkan pasangan identik tu salalu malahiakan bayi nan samo, samo-samo laki-laki atau samo-samo padusi. Salain itu muko antaro nan ciek samo pasangan kambanyo mampunyoi muko nan sangaik mirip karano plasentanyo samo di dalam rahim.[8]
Teori baru-baru ko tantang kamba identik, manyabuikan kalau kamba identik mungkin tabantuak katiko blastokista ado duo massa sel dalam (ICM) nan masiang-masiang maarah pado janin nan tapisah, bukan karano pambalahan embrio katiko manateh dari zona pellucida ( lapisan palinduang di dakek blastokista).[9]
Kamba identik bisa pulo dibuek sacaro artifisial jo pamisahan embrio. Iko bisa digunokan sabagai paluasan dari teknik IVF atau bayi tabung untuak maningkekan jumlah embrio nan ado untuak transfer embrio.[10]
Kamba indak identik
[suntiang | suntiang sumber]Kamba indak identik adolah tipe kamba nan umum tajadi.[11] Kamba indak identik tajadi katiko duo sel talua dibuahi dek duo sel sperma. Kamba ko indak punyo gen nan samo sahinggo bisa lahia jo kalamin nan babeda, misal lahia kamba laki-laki jo padusi. Plasenta kamba indak identik ko biasonyo punyo plasenta masiang-masiang sahinggo muko urang nan kamba indak identik bisa indak mirip bana.[8]
Kamba indak identik di Japang bisa tajadi 6 dari 1.000 kalahiran atau 14 dari 1.000 kalahiran di Afrika.[12] Kamba indak identik ko labiah banyak tajadi pado padusi nan manganduang pado umua di ateh 35 taun.[13]
Pabedaan kamba indak identik jo kamba identik
[suntiang | suntiang sumber]| kamba indak identik | kamba identik |
|---|---|
| DNA babeda | DNA samo |
| jinih kalamin bisa beda ataupun samo | jinih kalamin samo |
| muko beda | samo |
| golongan darah beda | golongan darah samo |
Faktor lahia kamba
[suntiang | suntiang sumber]Katurunan
[suntiang | suntiang sumber]Padusi nan punyo kamba indak identik bapaluang malahiakan anak kamba indak identik, samantaro anak kamba identik indak diturunkan dalam kaluarga.[8] Hal itu karano kamampuan padusi untuak mahasiakan labiah dari ciek sel talua diturunkan kapado padusi pulo. Sahinggo jikok ado amak atau niniak moyangnyo nan ado sanak kamba indak identik, inyo bapaluang pulo untuak malahiakan anak kamba.[14]
Umua padusi nan manganduang
[suntiang | suntiang sumber]Padusi nan katiko maganduang umuanyo labiah dari 35 taun, bapotensi gadang untuak malahiakan anak kamba.[13] Hal itu dek karano padusi pado umua sagitu candaruang mangaluakan labiah dari ciek folikel sel talua pado maso subua nyo. Sahinggo kamungkinan untuak malahiakan anak kamba indak indentik manjadi labiah gadang.[1][8][14]
Etnis
[suntiang | suntiang sumber]Kamba indak identik biasonyo banyak tajadi pado etnis tatantu, yaitu paliang banyak di etnis Afrika jo paliang saketek pado etnis Japang.[15] Di bagian eropa barat, kahamilan kamba tajadi pado 1 dari 60 kahamilan, di Nigeria kahamilan kamba tajadi pado 1 dari 20-30 kahamilan.[14]
IVF (in vitro fertilization) atau bayi tabung
[suntiang | suntiang sumber]Pado program bayi tabung , prosesnyo manyuntikan labiah dari ciek atau labiah embrio ka dalam rahim, sahinggo bisa bapaluang untuak malahiakan anak kamba.[1][14]
Rujuakan
[suntiang | suntiang sumber]- ↑ a b c MedicineNet.
- ↑ Martin, Joyce A.; Hamilton, Brady E.; Osterman, Michelle J.K. 2012.
- ↑ Zach, Terence 2007.
- ↑ Independent Online 2007.
- ↑ BBC World Service 2001.
- ↑ Louis G. Keith,dkk 1995.
- ↑ Yale School of Medicine.
- ↑ a b c d e Alodokter 2018.
- ↑ EurekAlert 2007.
- ↑ Illmensee K, Levanduski M, Vidali A, Husami N, Goudas VT 2009.
- ↑ Multiples.about.com 2013.
- ↑ R. Derom and J. Orlebeke and A. Eriksson and M. Thiery 1995.
- ↑ a b Bortolus , Renata and Fabio Parazzini and Liliane Chatenoud and Guido Benzi and Massimiliano Maria Bianchi and Alberto Marini 1999.
- ↑ a b c d Tania Savitri 2016.
- ↑ R. Derom , J. Orlebeke , A. Eriksson , M. Thiery 1995.
Daftar pustaka
[suntiang | suntiang sumber]- "Definition of Twin". MedicineNet (dalam bahasa Inggris). Diakses tanggal 2020-12-25.
- "Mengenal Kembar Identik dan Kembar Tidak Identik". Alodokter. 2018-07-07. Diakses tanggal 2020-12-25.
- Savitri, Tania (2016-12-28). "Faktor-faktor yang Membuat Wanita Hamil Bayi Kembar • Hello Sehat". Hello Sehat (dalam bahasa Indonesia). Diakses tanggal 2021-01-16.
- "Study: Time-lapse recordings reveal why IVF embryos are more likely to develop into twins". EurekAlert!. 2007-07-02. Diarsipkan dari versi asli tanggal 2019-08-05. Diakses tanggal 2021-01-16.
- Illmensee K, Levanduski M, Vidali A, Husami N, Goudas VT (February 2009). "Human embryo twinning with applications in reproductive medicine". Fertil. Steril. 93 (2): 423–7. doi:10.1016/j.fertnstert.2008.12.098. PMID 19217091.
- Martin, Joyce A.; Hamilton, Brady E.; Osterman, Michelle J.K. (January 2012). [[[1]] ""Three Decades of Twin Births in the United States, 1980–2009""] Periksa nilai
|url=(bantuan).
- Zach, Terence; Arun K Pramanik; Susannah P Ford (2007-10-02). "Multiple Births". WebMD.
- "Genetics or yams in the Land of Twins?". Independent Online. 2007-11-12.
- "The Land of Twins". BBC World Service. 2001-06-07.
- O. Bomsel-Helmreich; W. Al Mufti (1995). "The mechanism of monozygosity and double ovulation". Multiple Pregnancy: Epidemiology, Gestation & Perinatal Outcome. Taylor and Francis. p. 34. ISBN 978-1-85070-666-3.
- "Identical and Fraternal Twins – Determining Zygosity in Twins". Multiples.about.com. 2013-07-16. Diarsipkan dari versi asli tanggal 2016-03-04.
- R. Derom; J. Orlebeke; A. Eriksson; M. Thiery (1995). "The epidemiology of multiple births in Europe". di dalam Louis G. Keith. Multiple Pregnancy: Epidemiology, Gestation & Perinatal Outcome. Taylor and Francis. p. 145. ISBN 978-1-85070-666-3.
