Bruneý

Bruneý

(Baýdag) (Gerb)

Bruneý, doly ady Bruneý-Darussalam döwleti (mal. Brunei Darussalam) — Günorta-Gündogar Aziýada, Kalimantan adasynyň demirgazyk-günbatar kenarynda ýerleşýän döwlet (soltanlyk). Kenarýakasyny Günorta-Hytaý deňzi ýuwýar. Malaýziýa bilen araçäkleşýär. Tutýan meýdany — 5,8 müň km². Ilat sany — 401 müň (2011). Paýtagty — Bandar-Seri-Begawan. Milletler arkalaşygyna girýär.

Soltan Omar Aly Seýfetdin metjidi.

Klimaty

Klimaty tropiki ekwatorial. Günorta-Hytaý deňziniň akwatoriýasynyň mussonlarynyň güýçli täsirine sezewar bolýar. Howanyň temperaturasy tutuş ýylyň dowamynda 26 °C töwereginde üýtgäp durýar. Territoriýasynyň 75%-den gowragyny çygly tropiki tokaýlar tutýar, daşgyn zolagynda bolsa, mangr tokaýlary ösýär.

Aý	Ýan	Few	Mar	Apr	Maý	Iýn	Iýl	Awg	Sen	Okt	Noý	Dek	Ýyl
Ort. ýokary temperatura (°C)	27.8	27.8	29.2	29.1	29.5	28.1	28.4	28.3	28.0	27.5	27.4	28.0	28.3
Ort. pes temperatura (°C)	16.1	16.0	19.5	20.9	20.9	23.7	23.1	23.3	25.3	23.1	19.2	16.6	20.6
Ygalyň mukdary (mm)	277.7	138.3	113.0	200.3	239.0	214.2	228.8	215.8	257.7	319.9	329.4	343.5	2873.9

Suw resurslary

Ýurtda uly köller we derýalar ýok. Bruneý, Tudong, Temburong we Belaýt derýalary ýurduň günorta bölegindäki baýyrlardan demirgazyga tarap akyp, Günorat-Hytaý deňzine guýýar.