İlon Mask
| İlon Mask inglizçä Elon Musk | |
|---|---|
 İlon Mask | |
| Tulı iseme | Elon Reeve Musk |
| Hönäre | eşquar, injener, uylap tabuçı, investor |
| Tuu datası | 26 iyün 1971 (53 yäş) |
| Tuu cire | Pretoriä, KAC |
| Watandaşlığı | KAC, Kanada, AQŞ |
İlon Mask (inglizçä Elon Reeve Musk, 1971, Pretoriä, KAC) - Kanada-AQŞ injenerı, eşquar, uylap tabuçı, milliarder, investor. 2021 yılda dönyanıñ iñ bay keşese bula.
PayPal şirkätenä nigez saluçı, SpaceX şirkäteneñ milektäşe, ğomumi direktor, baş injener, nigez saluçı, Tesla şirkäteneñ fiker ilhamçısı (Chief Product Architect), ike tuğan abıyları nigez salğan SolarCity şirkäteneñ direktorlar şurası äğzası.
2021 yılda Forbs jurnalı buyınça Masknıñ baylığı 300 milliard artıq dollar belän bäyälänä.
Tormış yulı
[үзгәртү | вики-текстны үзгәртү]Elon Mask Pretoriä şähärendä tuğan.
Änise Şveytsariä almannarınnan çıqqan. AQŞ bäysezlege öçen suğış waqıtında Haldeman näsele Awrupadan AQŞqa küçenä. Babası kanadalığa öylänä. Däw ätise aviatsiä belän şöğellänä.
1950 yıllarda ğailäse Kanadadan KAC-nä küçenä. Anda Masknıñ kiläçäk änise xättä "Miss Könyaq Afrika" finalistkası bula.
Ätise - injener tözüçe, änise - dietolog.
Bäläkäy çaqta Mask küp kitap uqıy, şunıñ öçen mäktäptä "minbelämçe" quşamatın ala häm yäştäşlär tarafınnan yış qıynala, ber qıynaşta aña borının sındıralar.
Yäşüsmer çaqta äle Mask farmatsevtik şirkät aksiälärendä aqça sala, soñraq berniçä meñ dollarda satıp, Kanadağa küçä.
Stenford universitetında uqıy, läkin tämamlamıy.
Şirkätlär
[үзгәртү | вики-текстны үзгәртү]1996 yılda bertuğanı belän Zip2 digän program yasaw şirkätenä nigez sala, 1999 yılda Zip2 Compaq sirkäte tarafınnan 308 mln dollarda satıp alına, Mask şul summadan 22 mln dollar ala.
PayPal
[үзгәртү | вики-текстны үзгәртү]1999 yılda X.com digän şirkätkä nigez saluda qatnaşa, 2000 yılda Confinity şirkäte belän berläşä, anıñ ber bülege PayPal dip atala, ul elektron aqça küçerü belän eşli.
2002 yılda PayPal EBay tarafınnan 1.5 milliard dollarda satıp alına, şunısınnan Mask 175 million dollar ala.
SpaceX
[үзгәртү | вики-текстны үзгәртү]2002 yılda Mask öçençe şirkätne buldıra - SpaceX - ul yörtüçe raketalarnı şäxsi eşkärtüçe häm ğälämi sistemalar operatorı bulıp tora.
2008 yılda NASA SpaceX belän 1.6 milliard dollarda kontraktnı tözi, anıñ buyınça 2011 yıldan soñ Space Shuttle korabların alıştıru öçen SpaceX 12 Falcon9 häm Dragon digän korabnı Xalıqara ğälämi stantsiägä cibärergä tieş.
İlon Mask buyınça anıñ qaraşlarına Ayzek Azimov icadı zur yoğıntı yasıy, şuña kürä ğälämi oçışlar 10 tapqır arzanraq bulırğa tieş dip maqsat quyıla.
Mask SpaceX şirkätendä 100 mln dollar aqça sala.
2016 yılda Hoñkoñda Mask 2020-2025 yıllarda SpaceX Mars planetasında oçış yasayaçağın belderä.
2017 yılda Mask kiläçäktä raketa yärdämendä Cirneñ telägän noqtasında oçu mömkinlek buluın belderä.
Tesla - Mask nigezlägän elektromobil citeşterüçe AQŞ şirkäte.
SolarCity
[үзгәртү | вики-текстны үзгәртү]Teslağa buysınğan Kaliforniädä urnaşqan AQŞ energetik şirkäte.
OpenAl
[үзгәртү | вики-текстны үзгәртү]Yasalma intellekt belän şöğellänüçe tabışlı bulmağan tikşerenü şirkäte, San-Fransiskoda urnaşqan. Mask - şirkätkä nigez saluçılarnıñ berse.
Neuralink
[үзгәртү | вики-текстны үзгәртү]Mask nigezlägän neyrotexnologik şirkät.
The Boring Company
[үзгәртү | вики-текстны үзгәртү]2016 yılda Mask nigez salğan tözü şirkäte, tunnel salu belän şöğellänä.
2022 yılnıñ martında Masknıñ 9,2% Twitter aksiäse bula.
2022 yılnıñ 28 oktäbrendä Mask Twitter şirkäten tulısınça satıp ala.
Sıltamalar
[үзгәртү | вики-текстны үзгәртү]- Эшли Вэнс. Илон Маск: Tesla, SpaceX и дорога в будущее = Elon Musk: Tesla, SpaceX, and the Quest for a Fantastic Future. — М.: Олимп-Бизнес», 2016. — 416 с. — ISBN 978-59693-0330-0.