Saklid
| Saklid | ||||||||||||
|---|---|---|---|---|---|---|---|---|---|---|---|---|
 | ||||||||||||
| Tedoklassifikacii | ||||||||||||
|
||||||||||||
| Latinankel'ne nimi | ||||||||||||
| Falco (Linnaeus, 1758) | ||||||||||||
|
Saklid (latin.: Falco) oma Sakližed-sugukundan kaikiš äiluguižemb heim. Lugetas läz 40 erikod.
Leviganduz
[vajehta | vajehtada lähtetekst]Kaikiš aigaližembad löutud kaivandusil heimon erikoiden jändused mülüdas möhäižhe miocenha, toižin sanoin niiden igä om noremb mi kümne millionad vozid. Genetižiden tedoidusiden mödhe hir'habukad i Falco columbarius libudas Afrikaspäi, kaik toižed heimon erikod leviganziba Evrazijaspäi.
Saklid oma levitadud kaikil kontinentil päiči Antarktidas. Tehtas pezoid puil (otten toižiden linduiden pezoid), man pindal, kall'oil, mugomil korktoil sauvusil kut čuhundused i kellčuhundused.
Ümbrikirjutand
[vajehta | vajehtada lähtetekst]Lihansöjad lindud, erased erikod sötlesoiš gavedil. Täuz'kaznuziden linduiden suugad oma kaidad tilgunvuiččed, niiden abul hö mahttas manevruida udatinke i sadas surihe piguzihesai lenduses ülähänpäi. Oz., Falco peregrinus-sakkal (sapsan) lugese kaikiš teravambaks živataks mail'mas, se voib sadas 322 km/č (vai 90 m/s) pigudehesai ičeze mectusen aigan.
Valitud erikod
[vajehta | vajehtada lähtetekst]- Falco alopex — Reboin hir'habuk
- Falco hypoleucos — Hahk sakkal
- Falco mexicanus — Meksikaine sakkal
- Falco moluccensis — Molukkaine hir'habuk
- Falco novaeseelandiae — Udenzelandine sakkal
- Falco peregrinus — Sakkal-sapsan
- Falco rusticolus — Mectuzsakkal
- Falco subbuteo — heimon tipine erik
- Falco tinnunculus — Järgeline hir'habuk
Kacu mugažo
[vajehta | vajehtada lähtetekst]Homaičendad
[vajehta | vajehtada lähtetekst]
 |
Saklid Vikiaitas |