平行

  提示：呢篇文講嘅唔係平衡。

繪圖平行綫

喺平面幾何裡面，平行指兩條直線唔相交；喺三維歐氏幾何裡面，平行係指兩條直線共面而且唔相交，亦可以指兩個平面唔相交。

平行亦經常用來描述線段之間嘅關係，爾個時候指嘅係爾兩條線段所在嘅直線平行。對於射線同理。

另外平行亦用來描述兩個自由向量之間嘅關係，如果有兩個向量${\vec {a}}$同${\vec {b}}$，有實數$k$令到${\vec {a}}=k{\vec {b}}$，就可以話向量${\vec {a}}$同向量${\vec {b}}$平行，注意對於自由向量來講，平行亦可以叫做共線。

平行公設

内文：平行公設

歐幾里德平面幾何嘅平行公設本身敘述起身比較複雜，但係佢同下面嘅講法等價：

• 過直線外一點有且衹有一條直線同已知直線平行。

但係因為爾個係公設，而唔係公理，所以有人基於同平行公設唔同嘅公設推演出其它幾何體系，爾啲體系統稱為非歐幾何，例如球面幾何。

睇埋

• 平行投影